________________
હે કરૂણાના કરનારા
હે કરૂણાના કરનારા, તારી કરૂણાનો કોઈ પાર નહી, હે સંકટના હરનારા, તારી કરૂણાનો કોઈ પાર નહી. ૧
મેં પાપ કર્યા છે એવા, હું ભૂલ્યો તારી સેવા, મારી ભૂલોના ભૂલનારા, તારી કરૂણાનો કોઈ પાર નહી. ૨
હું અંતરમાં થઈ રાજી, ખેલ્યો છું અવળી બાજી, અવળીને સવળીના કરનારા, તારી કરૂણાનો કોઈ પાર નહી. ૩
હે પરમ કૃપાળુ વ્હાલા, મેં પીધા વિષના પ્યાલા, મારા સાચા રક્ષણહારા, તારી કરૂણાનો કોઈ પાર નહી. ૪
કદિ છોરૂ-કછોરૂ થાયે, તું તો માવતર કહેવાયે, મીઠી છાયાનાં દેનારા, તારી કરૂણાનો કોઈ પાર નહી. ૫
મને જડતો નથી કિનારો, મારો ક્યાંથી આવે આરો, મારા સાચા ખેવણહારા, તારી કરૂણાનો કોઈ પાર નહી. ૬
છે મારૂ જીવન ઉદાસી, તું શરણે લે અવિનાશી, મારા દિલમાં હે રમનારા, તારી કરૂણાનો કોઈ પાર નહી. ૭
Jain Education International
For Private & Personal Use Only
www.jainelibrary.org
