________________
પ્રેમ-અંક “હા, અને ત્યાં આગળ જ તમે અનુલ્લંઘનીય મર્યાદા પણ મારે માટે આંકી રાખી છે.”
તો તમે મારી મિત્રતાને પાછી ઠેલો છો, એમ ને?” હા, હું જરૂર પાછી ઠેલું છું.”
“મેં૦ કુકે હવે મારા મેં તરફ જુઓ; હું તમને મારો પ્રેમ ધરું છું. ઘણા વખતથી હું તમને ચાહતી આવી છું, પણ મારે મોંએ હું તે કહેતી નહોતી. તમે ઘૂંટણિયે પડી કેટલીય વખત મારા પ્રેમની યાચના કરી હતી. અત્યાર સુધી મને તમારા પ્રેમની સ્થિરતા વિષે– તમારી નિષ્ઠા વિષે શંકા હતી,-એટલો મારો પ્રેમ અધૂરો હતો. હવે મને મારા પ્રેમ વિશે શંકા નથી રહી; એટલે, તમારી નિષ્ઠા બાબત શંકા કરવાની મારે રહેતી નથી. હું હવે સંપૂર્ણપણે તમને સમપિત થાઉં છું. બોલો, તમે સુખી થશો?”
“એ પરમ સુખથી કદાચ હું ગૂંગળાઈ જઈશ.”
“તો મારો સ્વીકાર કરો, અને તમારે માટે જેમ મેં એક પૂર્વગ્રહનો ત્યાગ કર્યો છે, તેમ તમે મારે માટે મારા પૈસા ન લેવાય એ જાતના દુરાગ્રહનો ત્યાગ કરો.”
“પ્રિય, મને ન લોભાવશો.” “પ્રિય, મને ના ન પાડશો.” “તમે આશું કરી રહ્યાં છો, તેનો વિચાર ગંભીરતાથી કરી જુઓ.”
“કુકે, એક જ શબ્દ – તમે “ના” ભણો, એટલે હું આ બારણું ઉઘાડી ચાલતી થઈશ; તમે પછી મારું મોં કદી જોવા નહીં પામો. તમે ‘હા’ ભણો અને હું સર્વતોભાવે તમારી બની જઈશ.”
“પણ આ પેટી?” “તે મારો દાયો છે– તે લઈને હું મારા પતિને ઘેર આવી છું.”
“એથી તો તમે સદંતર ખાલી થઈ જશો – આ પેટીમાં નહિ નહિ તોય, દસેક લાખની રકમ હશે.”
Jain Education International
For Private & Personal Use Only
www.jainelibrary.org