________________
૩૦
પ્રેમ-પંક બેઇઝમૉ જતાં દાનાં દાદર ચડતાં ચડતાં ગણગણ્યો, “ભારે વિચિત્ર વાત! ઑરેમીસ આ રીતે બેઇઝમૉને પોતાના હાથમાં લે તે શા માટે? જાઃ તો પડશે જ. ઍરેમીસ ભારે ઊંડો માણસ છે!”
રાજાજી પત્તાંની બાજી રમે છે
દાનએ કહ્યું તેમ ફુકે રાજાજી સાથે પત્તાં રમવા જ બેઠો હતો. રાજાજી સાથે મોટું મંડળ ત્યાં એકઠું થયું હતું. તેમાંથી પહેલ પ્રથમ રાજાજીનાં રાણી મારિયા થેરેસા પોતાના કમરા તરફ જવા ઊભાં થયાં. તે રાણી-માતા ઍનનાં ભત્રીજી થતાં હતાં અને રાજાજીને મુગ્ધ ભાવે ખરેખર ચાહતાં હતાં. રાજાજી તેમને મૂકવા જવા ઊભા ન થયા.
રાજાજીના નાના ભાઈ ફિલિપની પત્ની ઇંગ્લંડની પ્રિન્સેસ હેનિપેટા ‘મૅડમ’નો રાજદમ્બારમાં પ્રવેશ થયો, ત્યારથી તેણે સૌ કોઈને પાછળ પાડી દીધાં હતાં. તે શરીરથી તેમ જ મનથી એવી જીવરી હતી, તથા વાતચીતમાં તથા ઉત્સવ-સમારંભમાં એટલો પ્રાણ ઝટ પૂરી દેતી, કે સૌ કોઈ તેને જ દેખી રહેતું.
બકિંગહામ જવાનો થયો હતો, એટલે દ ગીશનો સિતારો ચમકવા લાગ્યો હતો. મેડમે હવે બકિંગહામને જવા ખાતે ગણી, તેના તરફ દુર્લક્ષ જ કરવા માંડ્યું હતું; અને બકિંગહામ દૂરથી એ ચપળાની ચંચળ વૃત્તિ તરફ ખેદની નજરે જોયા કરતો હતો. મૅડમ હવે પોતાના કમરામાં જવા ઊભી થઈ, ત્યારે રાજાજીએ તરત ઊભા થઈ, પોતાના નાના ભાઈ તરફ નજર પણ કર્યા વિના, તેને તેના કમરા સુધી લઈ જવા તરત પોતાના હાથ તેના હાથમાં આપ્યો. કમરાના બારણા આગળ જઈ, રાજાએ ત્યાંથી પાછા ફરતા પહેલાં મૅડમ સામે નજર કરી અને એક ઊંડો નિસાસો
Jain Education International
For Private & Personal Use Only
www.jainelibrary.org
