________________
૨૦
પ્રેમ-પંક કાઉંટ દ લા કૅર હવે બોલી ઊઠયા, “ભાઈ, એ બધી વાત રહેવા દે; કારણ કે, તું એ સ્ત્રી વિષે કશું જાણતો નથી. એ સ્ત્રી ફ્રાંસની રાજમુદ્રાના ડામથી લાંછિત કરેલી ગુનેગાર બાઈ હતી. ફ્રાંસમાં પણ છેતરીને કોઈને તે પરણી હતી અને પછી છતે ધણીએ ઇંગ્લેંડ જઈ ત્યાં બીજા કોઈને પરણી ગઈ હતી. ઇંગ્લેંડમાં પણ તે પતિને ઝેર દઈ, તેની મિલકત પડાવી લઈ, ફ્રાંસમાં પાછી દ વાર્દ જેવા પ્રેમીઓ ઊભા કરીને પોતાનું સ્વચ્છંદી જીવન તે જીવતી હતી. ઇંગ્લેંડમાં હતી ત્યારે પણ તેણે લૉર્ડ વિન્ટરના એક અફસરને લોભાવી ભ્રષ્ટ કરી, તેને હાથે ડયૂક ઑફ બકિંગ્સામ- અત્યારના આ લૂકના પિતાશ્રીનું ખૂન કરાવ્યું હતું, તથા છેવટે ફ્રાંસ ભાગી આવીને દાનની પ્રિયતમાને ઝેર દઈ મારી નાંખી હતી. આ બધા અપરાધો કરનાર બાઈને ખાનદાન-કુલીન-પરણેતર વગેરે વિશેષણોથી દ વાર્દને શણગારવી હોય તો ભલે; બાકી એ બાઈનું નામ મોએ આણતાં પણ કમકમાં આવી જાય.”
ઘૂફ ઑફ બકિંગહામ તો પોતાના પિતાના ખૂન સાથે સંકળાયેલો આ બધો પ્રસંગ સાંભળતાં કપાળેથી પરસેવો લૂછવા લાગી ગયો. દાર્લેનએ દ વાર્દ તરફ ફરીને કહ્યું, “જુઓ ભાઈ, એ બાઈના આત્માને મેં અધોગતિએ પહોંચાડ્યો કે ભ્રષ્ટ કર્યો એવું કાંઈ જ નથી; અને છતાં મેં જે છેતરપિંડી ચલાવી હતી, તે બદલ હું ખરા અંતરથી પરમાત્મા પાસે માફી માગતો આવ્યો છું, અને તમો સૌ આગળ પણ અત્યારે માગું છું. એટલે હવે હું માનું છું કે, દ વાઈને એ બાબતમાં મારી સામે કશો આક્ષેપ કરવાપણું રહેતું નથી.”
દ વાર્થે કંઈક ગણગણતાં સ્વીકારસૂચક નમન કર્યું.
દાસ્તે નએ હવે તેની વધુ નજીક જઈને કહ્યું, “અને હું માનું છું કે, મારી જેમ બીજાઓની ઉપર પણ આક્ષેપ મૂકતાં તમે હવે જરા વિચાર કરશો. કારણ કે, તમને એવા આક્ષેપો મૂક્યા કરવાની કુટેવ જ પડી લાગે છે. હમણાં જ તમે ૩૫ વર્ષ પહેલાં બનેલી ઘટના બદલ એક ઘરડા સૈનિકની ટીકા કરવા જેટલું ચોખલિયાપણું બતાવ્યું, તો તમે પોતે પણ
Jain Education International
For Private & Personal Use Only
www.jainelibrary.org