________________
સ્ત્રીઓની દાઝ
૩૨૯ કહી દઉં છું કે, મને એવી બધી લડાઈઓ ગમતી નથી. કારણ કે, મને પેલી સાપણો પ્રત્યે જ સખત નફરત છે – મારા કહેવાનો જે અર્થ તારે સમજવો હોય તે સમજી લે.”
લા વાલિયેર તરત જ રાણી-માતાના પગ આગળ ફસડાઈ પડી. તે ડૂસકાં ખાતી ખાતી બોલી, “મને આપ નામદાર મારો જે કાંઈ અપરાધ હોય તે સ્પષ્ટ કહી સંભળાવો – મને કશો ખુલાસો કરવાની પણ તક આપ્યા વિના આમ સજા ફરમાવો નહિ. આપ અમારા જેવી સૌનાં આધાર-સ્થાન છો; અમે આપની પાસે જ અમારા દુ:ખનો ઇલાજ શોધવાની આશા રાખીએ.”
મૅડમ આ બધું સાંભળી તરત તુચ્છકારભરી રીતે માં મચકોડી ગઈ.
રાણી-માતાએ મેડમ સામે જોઈને કહ્યું, “લો, આ ભલી બાપડીના ઠાવકા બોલ તો સાંભળો! અરે, તું અમને સૌને શું સમજી બેઠી છે, હૈ? અમે લોકો તો તાજ પહેરેલાં માથાંની સોબત સેવેલી છે, એ નથી જાગતી? અમે બધાં તારી આવી વાતોથી છેતરાઈ જઈએ તેવાં ગમાર નથી!”
લા વાલિયર બિચારી કપાઈ ગયેલી કમલિનીની પેઠે વિલાઈ ગઈ.
“ખબરદાર, યાદ રાખજે કે, તું તારા મનમાં જે વિચારી બેઠી છે, એ સાંભળીને પણ સ્ત્રીઓ તરીકે શરમથી અમારું માં નીચે નમી જાય છે. અને તારા તો વિવાહ પણ થઈ ચૂકેલા છે, નહીં?”
લા વાલિયેરે છાતી ઉપર પોતાના બંને હાથ જોરથી ભીડી દીધા. “ચાલ, પૂછવું તેનો જવાબ આપ.” “હા, મેડમ.” “કોની સાથે?” “વાઇકાઉંટ દ બ્રાજલોન સાથે.”
“તો તારા જેવી માલમિલકત કે માનપ્રતિષ્ઠા વિનાનીને આવું સારું ઠેકાણું મળી ગયું છે તેટલાથી તને સંતોષ નથી? તો અત્યારે વાઇકાઉંટ કયાં છે?”
Jain Education International
For Private & Personal Use Only
www.jainelibrary.org