________________
૩૧૦
પ્રેમ-પંક એટલે —” “એટલે કે, સરકાર, એ બાનુ નામદાર મૅડમની એક તહેનાતબાનુ
છે.”
“તેની ઈજજતના સંરક્ષણ અર્થે મૈ૦ દ ગીશ લડ્યા, એમ તમારું
કહેવું છે?”
“હા, સરકાર; અને તે હું સાચું કહું છું.”
લૂઈએ તરત બીજાઓને બહાર જવા હુકમ કર્યો, અને માનિકોને પોતાની તરવાર પાછી લઈ, મ્યાન કરવા જણાવ્યું.
રાજાએ, બીજું કોઈ સાંભળે તેમ નથી એની ખાતરી કરીને, માનિકોને પૂછયું, “એ બાનુનું નામ?”
“કુમારી દ લા વાલિયેર.”
“હે? કુમારી દ લા વાલિયેરનું અપમાન કરવાની હિંમત કરનારનું નામ તમે મને નથી કહેવા માગતા, એમ?”
“સરકાર, આપે તે નામ મેં દ સેતેશ્નો પાસેથી જાણવાનું મંજૂર રાખ્યું છે, એમ હું માનતો હતો.”
ઠીક, હું એ માણસને જરૂર શિક્ષા કરીશ; કુમારી દ લા વાલિયેરનું અપમાન થયું છે તેટલા માટે નહિ, પરંતુ મારા દરબારની બાનુઓનું યથોચિત સંમાન સૌ કોઈએ જાળવવું જ જોઈશે; અને તે સંમાન જાળવવામાં આવે તે અર્થે બીજા કોઈએ ઢંદ્વયુદ્ધ લડવાની મનાઈનો ભંગ કરવાપણું જ નહિ રહેવું જોઈએ.”
માનિકોએ નીચા નમી વંદન કર્યા.
“અને કુમારી દ લા વાલિયર વિષે શી અપમાનજનક વાત કહેવામાં આવી હતી?”
“સરકાર, આપ એ કલ્પી શકતા નથી, એમ મારે માનવું?” “હું કલ્પી શકું?”
“હા, સરકાર; કોઈ બાનુ વિષે મશ્કરી કરાય, તો તે કોઈના પ્રેમમાં છે એમ કહીને જ કરાય ને?”
Jain Education International
For Private & Personal Use Only
www.jainelibrary.org
