________________
૨૮૪
પ્રેમ-પંક પોતાના પ્રેમીમાં જોવા મળેલ આ અતિ ઉત્તમ ચારિયાંશથી મેડમ તરત પ્રભાવિત થઈ ગઈ. તેના અંતરમાં દ ગીશની એક સાચા વીર પુરુષ તરીકેની ભવ્ય છાપ ઊઠી. તેણે તરત જ કહ્યું, “કાઉંટ, આ બધી શંકાકુશંકા, બેવફાઈ, ચિંતા-ફિકર વગેરે વાતો પડતી મૂકો. હું પણ મારા અંતરમાંથી એ બધા ખ્યાલો કાઢી નાંખું છું. લા વાલિયેર રાજાને ચાહતી હોય કે ન ચાહતી હોય, અને રાજા પોતે પણ લા વાલિયેરને ચાહતા હોય કે ન ચાહતા હોય,– અત્યારની ઘડી, અને આજના દિવસથી હું મારે જીવનમાં જે બે ભાગ ભજવવાના છે, તેમને અલગ જ રાખીશ.”
“કયા બે ભાગ, મૅડમ?”
“એક તો હું રાજાની ભાભી-બહેન છું; અને રાજાની પત્નીની દેરાણી છું. ઉપરાંત, હું રાજાના ભાઈની પત્ની પણ છું. એટલે મારી સાથે સૌ કોઈએ આદરભાવથી વર્તવું ઘટે. ખરું ને?”
દ ગીશ તરત જ દેવની સમક્ષ ભક્તિભાવપૂર્વક ઘૂંટણિયે પડે તેમ તેની આગળ ઘૂંટણિયે પડ્યો.
પણ, પણ, મારે જે બીજો સાચો અને ખરો ભાગ ભજવવાનો છે, તે હું કહેવાનું ભૂલી જાઉં છું.”
“કયો? કયો?”
હું એક સ્ત્રી છું; અને સ્ત્રી તરીકે હું બીજાને ચાહું છું.” આટલું કહી તેણે હાથ પહોળા કર્યા. દ ગીશ એ હાથોમાં સમાઈ ગયો.
તે જ ઘડીએ મેતાલેએ અચાનક અંદર પેસી ખબર આપ્યા કે, “માઁ૦ દ ગીશને કોઈ મળવા માગે છે.”
દ ગીશ માંતાલના આ અચાનક પ્રવેશથી ગુસ્સે થઈ, છોભીલો પડી, મેડમે વિદાય આપવા ઊંચા કરેલા હાથ સામે જોયા વિના, બહાર નીકળી ગયો.
Jain Education International
For Private & Personal Use Only
www.jainelibrary.org
