________________
૨૮૨
પ્રેમ-પંક
ધરાવવાનો દેખાવ કરવા કરતાં મારું અપમાન કરવું હોય તો કરી નાંખો; તમારે જે કહેવું છે તે બેલી નાંખો.”
દ ગીશે તરત જ પોતાની તરવાર મ્યાનમાંથી ખેંચી અને મૅડમ આગળ ધરીને એટલું જ કહ્યું, “આ તરવાર મારા હૃદયમાં ખોસી દો અને થોડું થોડું કરીને રિબાવીને મને મારવા જેવું કરવાને બદલે એકવારકો મારો ફેંસલો લાવી દો.”
મૅડમ દ ગીશની પ્રેમ-ભરી પણ હતાશ નજર સામે જોઈને તરત સમજી ગઈ કે, હવે જો એક વધુ શબ્દ પોતે બોલશે, તો પેલો પોતાની તરવાર પોતાની છાતીમાં ત્યાં ને ત્યાં ખોસી દીધા વિના નહિ રહે.
મેડમે તરત તરવાર તેના હાથમાંથી છીનવી લીધી અને તેનો હાથ પોતાના હાથમાં અધીરાઈથી દબાવીને કહ્યું, “મારા પ્રત્યે એક જ ક્રૂર ન થશો, કાઉટ; હું પોતે કેટલી સિઝાઈ રહી છું, તે જાણવા છતાં તમને મારી દયા જ આવતી નથી.”
એટલું બોલતામાં તો મૅડમનું ગળું ભરાઈ આવ્યું, અને તેની આંખોમાંથી આંસુ ટપકવા લાગ્યાં.
તરત જ દ ગીશતેની સામે ઘૂંટણિયે પડીને બોલ્યો, “તો પછી તમે તમારાં દુ:ખ મારાથી ગુપ્ત શા માટે રાખો છો? તમે બીજા કોઈને ચાહો છો?–એ મને કહી દો. એ જાણીને હું પોતે જીવતો રહેવાનું પસંદ નહીં કરું, પરંતુ તે પહેલાં તમને બનતું આશ્વાસન આપતો જઈશ તથા તમને જોઈતી મદદ કરતો જઈશ.”
“તમે મને એટલી હદે ચાહો છો શું?” “હા, મૅડમ, હું એટલી હદે ચાહું છું, એ સાચી વાત છે.”
તરત જ મૅડમે પોતાના બંને હાથ તેના હાથમાં મૂકી દીધા. પછી તે ધીમેથી બોલી, “ખરેખર, મેં મારું હૃદય બીજા કોઈને સમર્પી દીધું છે.”
તો શું, તમે રાજાજીને ચાહો છો?”
મેડમે ધીમેથી માથું હલાવીને હા કહી. પરંતુ તેણે ઉમેર્યું, “મારા જેવીના હૃદયમાં બીજી લાગણીઓ પણ સાથે સાથે એટલી જ ઉદ્દામપણે
Jain Education International
For Private & Personal Use Only
www.jainelibrary.org