________________
૨૭૮
પ્રેમ-પંક તમારે ફ્રાન્સના માર્શલ થવું છે? ઉમરાવ કે ડયૂક થવું છે? વર્ષે દહાડે દશ લાખ ફાંકની આવકવાળી જાગીર સાથે ?”
પણ એ બધું મેળવવા શું કરવું પડે તે કહોને?” “મેં૦ ફુકેના માણસ બની રહેવું.” “પણ હું રાજાજીનો માણસ બની ચૂકયો છું.”
“પણ તમારે માણસના અંતરમાં ઊઠતી મહત્ત્વાકાંક્ષાઓ નહિ હોય, એમ હું માનતો નથી.”
“જરૂર મને પણ મહત્ત્વાકાંક્ષા છે- માર્શલ બનવાની. પણ રાજાજી મને માર્શલ બનાવશે,-લૂક કે અમીર પણ તે જ બનાવશે. રાજા જ આખા દેશનો માલિક છે ને?”
“એની કોણ ના પાડે છે? પણ રાજાજીની આસપાસ ઘણી આડો હોય છે.”
“રાજાને પોતાને માટે તો નથી હોતીને?” “પરંતુ...”
“જુઓ ભાઈ ઍમીસ, હું એક વાત કહી દઉં, બધા પોતપોતાની ચિંતા કરે છે; કોઈ આ બિચારા જુવાનિયા રાજાની ચિંતા કરતું નથી. હું તેને જ પડખે ઊભવાનો.”
પણ તમારી સેવાઓના બદલામાં અપકાર સામો મળશે તો?” “નિર્બળ લોકો જ એવી બીક રાખે.” “પરંતુ રાજાને જ તમારી જરૂર ન હોય તો...?
“ના રે ના; ઊલટી કોઈ દિવસ નહિ પડી હોય તેવી મારી જરૂર તેમને પડશે. અને પ્રિય મિત્ર, સાંભળી લો; બીજા કોઈ પ્રિન્સ કદ જેવા નવા કોઈ રાજગાદીના દુશ્મનને પકડવાની જરૂર પડશે, તો એ કામ કોણ કરી આપશે? એકલા આ બંદા જ આખા ફ્રાંસમાં તે કામ કરી શકશે,” એમ કહી દાઓં નોંએ તરવાર ઉપર હાથ નાંખ્યો.
“તમારી વાત સાચી છે,” આટલું બોલી, ઍમીસ એકદમ ફીકોફી પડી ગયો.
Jain Education International
For Private & Personal Use Only
www.jainelibrary.org
