________________
૨૫૬
પ્રેમ-પંક
હા, હા, હું તમારી પાછળ જ આવતો હતો; ને રસ્તામાં મેં સાત કે આઠ ઘોડાઓ મરેલા પડેલા જોયા હતા !”
“હું ઘણો વજનદાર માણસ છું એ તો તમે જાણો છો ને? અને મારી ઘણી ચરબી ઓગળી જવાથી હું એકદમ માંદા જેવો થઈ ગયો હતો. ઍમીસે મને મ0 ફુકેના પોતાના દાકતરની સારવારમાં મૂકી દીધો. પણ અઠવાડિયું પૂરું થતાં તો મારાથી શ્વાસ જ લેવાતો બંધ થઈ ગયો. દાકતરે કહ્યું કે, તમે ખૂબ હવા શ્વાસમાં લો છો, તેટલી આ ઓરડામાં મળી શકતી નથી. તેથી તેઓએ બીજા મોટા કમરામાં મને ખસેડ્યો; પણ મને જરાય બહાર નીકળવા ન દે; દાક્તર તો મને હાલવાનું જ ન કહે, તેથી એક ભયંકર અકસ્માત પણ થઈ ગયો.”
કેવોક “ભયંકર અકસ્માત, વળી?”
“દાકતર ગધેડો મને અશક્તિ આવી ગઈ છે એમ કહી બહાર નીકળવાની જ મનાઈ કર્યા કરે, પણ મને તો મારા શરીરમાં ખૂબ જોર માલૂમ પડે; એટલે મેં એક વખત મારા હજૂરિયાને મારાં કપડાં લાવી આપવા હુકમ કર્યો, જેથી હું બહાર જઈ શકું. પણ નવાઈની વાત! મારાં કપડાં બહુ પહોળાં થઈ ગયાં હતાં છતાં મારા પગ બહુ મોટા થઈ ગયેલા, તે બૂટમાં પેસે જ નહિ. બહુ જોર કરી ખેંચીને હું બૂટ પગમાં પહેરવા ગયો, તો બૂટનું ઉપલું પડ મારા હાથમાં રહ્યું અને નીચેનું તળિયું છટકયું, અને મારો પગ સીધો કમરા વચ્ચેની પડદીમાં જ અથડાયો. પડદી ગઈ તૂટી, અને પડદી ઉપર ભલા તખ્તા, અરીસા બધું નીચે પડીને થયો ખુરદો! પડદી પાછળનું ચીની માટીનાં અને કાચના વાસણોવાળું ટેબલ પણ તે આચકાથી ગબડ્યું ને સાતેક હજાર ફ્રાંકના માલનો ચૂરો થઈ ગયો. પણ નવાઈની વાત એ કે, એ પડદી ભાગી ગઈ તેના ધક્કાથી છત ઉપર દિગાવેલું બસો રતલ વજનનું કાચનું ઝૂમર પડયું મારા માથા ઉપર.
“બાપરે, તો તો તમારું માથું ફૂટી ગયું હશે !”
Jain Education International
For Private & Personal Use Only
www.jainelibrary.org
