________________
૩૪
લોટરી
૧
રાણીમાતા ઍને આજે જુવાન રાણી મારિયા થેરેસાને પોતાની મુલાકાતે આવવા વિનંતી કરી હતી. એક વખતની એ જાજરમાન-સ્વરૂપવાન રાણીમાતા રોગ અને વૃદ્ધાવસ્થાને કારણે હવે કોઈનીય સ્પૃહણીય વસ્તુ રહી નહોતી! રાજા પોતે પહેલાં સવાર-સાંજ બે વખત એક એક કલાક તેમની પાસે આવીને બેસતો. પરંતુ હવે જ્યારથી રાજકાજ તેણે માથે લીધું હતું, ત્યારથી એકાદ વખત માંડ તે રાણી-માતાને મળતો; અને તેય ઘણુંખરું રાણીમાતા બહાર કાંક આવ્યાં હોય ત્યાં જ.
મૅડમની આસપાસ જ હવે મુખ્ય દરબાર તો ભરાતો. રાણી ઍનની પાસે તો કેટલાંય વર્ષોથી તેમની પાસે રહેલી તેમની સ્પેનિશ નર્સ લા મૉલેના કે બીજી એકાદ બાનુ સિવાય કોઈ હોતું જ નહિ. રાણીમાતા સમજી ગયાં હતાં કે, આ બધાં જુવાનિયાં તો પોતાના ભોગવિલાસનું સાધન – સોનું – જ્યાં મળે ત્યાં જ ભેગાં થવાનાં. એટલે ધીમે ધીમે તેમણે એ બધાંને ખેંચવા એ જ ઉપાય અજમાવવા માંડયો. તેમની પાસે માઝા૨ેએ ભેગું કરી આપેલું સોનાનાણું હતું જ. ઉપરાંત કેટલુંક દુર્લભ એવું જરઝવેરાત પણ હતું.
એટલે પ્રથમ તો તેમણે પોતાના મેજ ઉપર બાજીની રમતમાં ઘણા ઘણા સોનૈયા જીતી શકાય એમ છે, એમ જાહેર થવા દીધું. ઉપરાંત પોતે ખુશ થાય તો ઘણી બક્ષિસો આપી શકે તેમ છે, તથા પોતાને મળતાં ઘણાં વર્ષાસનો નામે ચડાવી આપી શકે તેમ છે, એમ પણ સૌની જાણમાં આવવા દીધું.
Jain Education International
૨૩૯
For Private & Personal Use Only
www.jainelibrary.org