________________
૨૨૫
નવા જનરલ અને તમારા એવા પત્ર છતાં કોઈ સ્ત્રી અભેદ્ય રહી હોય એવો તમને અનુભવ થયો છે?”
“એક જ જણી અણનમ રહી હતી; પણ ચાર દિવસ અગાઉ તે પણ નમી પડી, અને એ ધન્યતાના આનંદથી જ હું અત્યારે પુલકિત થઈ રહ્યો છું.”
તો તમે લા વાલિયરને પણ પ્રેમપત્ર લખવા માંડો...”
“ના, ના, તમે જ લખાવો તે પ્રમાણે હું લખીશ. અત્યારે મારાથી કોઈને પ્રેમની બાબતમાં છેતરામણના શબ્દો વાપરી શકાય તેમ રહ્યું નથી.”
પછી ઍરેમીસના લખાવ્યા મુજબ ફુકેએ પત્ર લખ્યો
“મેં તમને જોયાં છે, અને તમને જાણીને નવાઈ નહિ લાગે કે, મને તમે ખૂબ સુંદર લાગ્યાં છો. પરંતુ રાજદરબારમાં તમારે યોગ્ય પદ તમને મળ્યું ન હોવાથી, ત્યાંની તમારી બધી હાજરી એળે જાય છે. તમને જો કોઈ પણ જાતની મહત્ત્વાકાંક્ષા પ્રેરતી હોય, તો કોઈ પ્રતિષ્ઠિત ઇજજતદાર માણસની પ્રેમભક્તિ, તમારી શક્તિઓ અને સૌંદર્યને આગળ લાવવામાં ઉપયોગી નીવડે, એ નિર્વિવાદ છે. હું મારા પ્રેમભક્તિ તમારે ચરણે સાદર કરું છું. હું સમજું છું કે, તમારા જેવાં સ્વરૂપવાન યુવતીને, પોતાના ભવિષ્ય બાબતની કશી ધ્ર વતાની ખાતરી ન હોય ત્યાં સુધી, પોતાની ઈજજત આબરૂ જોખમમાં મુકાય તેવું પગલું ભરવાનું ન ગમે. તેથી જો તમને મારો પ્રેમ સ્વીકારવાનું યોગ્ય લાગે, તો હું તે બદલનો આભાર તમને હંમેશને માટે મુક્ત અને સ્વતંત્ર કરી મૂકીને જ વ્યક્ત કરીશ.”
“નીચે સહી કરો,” ઑમસે કહ્યું. “મારી સહીની આવશ્યકતા તમે માનો છો?”
“એ કાગળ નીચેની તમારી સહી દશ લાખ ફૂક જેટલી કીમતી છે, એટલું પેલી નાદાન છોકરી પણ સમજ્યા વિના નહિ રહે.”
ફુકેએ સહી કરી. “હવે તમે એ કાગળ કોની મારફતે મોકલશો?” ઍરેમીસે પૂછયું. પ્રે–૧૫
Jain Education International
For Private & Personal Use Only
www.jainelibrary.org