________________
નવા જનરલ
૨૨૩
ધીમે ધીમે તે આખું ઝાડ હલાવીને ઉપાડી નાખે તે મૂળ દશાએ આવતો જાય છે.”
“પણ થોડા વખતમાં એકલા એકલા રહી તે કંટાળી જશે અને પૂછપરછ શરૂ કરશે તો?”
“તેને કોઈ મળી ન શકે એવી ગોઠવણ કરવામાં આવી છે.”
“પરંતુ તેમને મનમાં કંઈક આશા-મહત્ત્વાકાંક્ષા જેવું તો હશેને? શી આશાએ તે તમારાં એ બધાં નિયંત્રણો સહન કરી રહ્યા છે?”
બેલ-ઇલના મહાન એંજિનિયર તરીકે રાજાજી આગળ તેને રજૂ કરવાનો છે, એ આશા તેના મનમાં મેં ઊભી કરી રાખી છે. જેમ બને તેમ જલદી તે બેલ-ઇલ પહોંચી જાય એ આપણી યોજનાઓ માટે બહુ અગત્યનું છે. કારણ કે એ માણસ એવો આનંદી પ્રકૃતિનો અને છતાં આજ્ઞાપાલક છે કે, રાજાજીના બધા અફસરોને તે પોતા-વગે કરી લેશે, અને છતાં આપણી આજ્ઞાને વફાદાર રહેશે.’
“તો પછી તેમને જલદી ત્યાં રવાના કરવાની પેરવી કરોને?”
“હું એ પેરવીમાં જ છું, પરંતુ મારે તમને એક વાત કરી લેવી જોઈએ. મને દાન ઉપર વહેમ જાય છે. તે અહીં ફોતેબ્લો મુકામે શાથી નથી, એ મને સમજાતું નથી. તે કદી રજા ઉપર ઊતરે તેવો કે નવરો બેસી રહે તેવો નથી. એટલે અત્યારે તે શી પેરવીમાં છે, તે માટે પ્રથમ જાણી લેવું છે. મારું પોતાનું કામકાજ હવે બરાબર ગોઠવાઈ ગયું હોવાથી હું પ્રથમ કામ દાનની ભાળ મેળવવાનું જ કરવાનો છું.”
તમારું કામકાજ ગોઠવાઈ ગયું ખરું? મારે વિષે પણ હું એવું જ કહી શકું, તો કેવું સારું?”
“તમારે કશી ચિંતા કરવાની જરૂર નથી; રાજાજીએ તમને સારી રીતે આવકાર્યા છે, અને કોલબેર પણ તમને જંપવા દે છે, એ બધી સારી નિશાનીઓ છે. એટલે હવે ગઈ કાલે મેં કહ્યું હતું તેમ પેલી લા વાલિયેર તરફ તમે લક્ષ આપવા માંડો, તો સારું. તેને તમારે પૂરેપૂરી
Jain Education International
For Private & Personal Use Only
www.jainelibrary.org
