________________
વનદેવતા કે જળદેવીએ ન ધારેલું તેવું – ૨૧૯ એક રાજા જેવા રાજાને પોતે કેવો બનાવ્યો હતો, એ પરાક્રમની વાત આનંદ સાથે કહી શકાય !”
સરકાર!”લા વાલિયર ચીસ પાડી ઊઠી; “આપ હવે એક શબ્દ ન બોલશો; આપ મને પ્રાણદંડ દઈ રહ્યા છો, તે પણ જોઈ શકતા નથી?”
એ પણ એ મજાકનો જ એક ભાગ છે, બાજુ,” રાજા ટાઢાશથી બોલ્યો. જોકે તેને લાગવા માંડયું ખરું કે, કંઈક કાચું કપાય છે.
લા વાલિયેર હવે જોરથી ધબાકા સાથે ઘૂંટણિયે પડી અને બોલી, સરકાર, મારી વફાદારી ઉપર શંકા લવાય તેના કરતાં હું બેશરમ દેખાઉં તે વધુ પસંદ કરું છું. અને તેથી હવે મારી શરમ અને મારી સમજબુદ્ધિ બંનેની પરવા છોડી, હું કહી દઉં છું કે, આપે મૅડમના કમરામાં મેડમને મોંએ જે કંઈ સાંભળ્યું હતું તે ધરાર જૂઠાણું છે, અને હું “રૉયલ-ઓક વૃક્ષ હેઠળ જે બોલી હતી –”
“–તે?”
“તે જ એકમાત્ર સત્ય હકીકત છે. હું અહીં ઘૂંટણિયે પડી શરમની મારી મરી જાઉં એ બહેતર છે; પણ હું મારા પ્રાણ નીકળી જશે ત્યાં સુધી બોલ્યા કરવાની છું કે, હું આપને ચાહું છું – આપને બ્લવા પહેલવારકા જોયા ત્યારથી હું મારું હૃદય આપને અર્પણ કરી બેઠી છું. મારી એ ધૃષ્ટતા બદલ મને જે સજા કરવી હોય તે કરો; મારી એ બેશરમી બદલ મને ધૂત્કારી કાઢો; પરંતુ એક ક્ષણ પણ એમ ન માનતા કે મેં મજાક કરી આપને છેતર્યા હતા. હું એવા કુળમાં જન્મી છું, સરકાર, જેની વફાદારી નીવડી ચૂકેલી વસ્તુ છે અને હું પણ મારા રાજાને ચાહું
આટલું બોલતાં બોલતાં તો દાતરડાથી કપાયેલી કુમળી ડાળીની પેઠે તત્ક્ષણ તે રાજાજીના હાથને લગભગ બેહોશ થઈને વળગી પડી. રાજાને એ મુગ્ધ છોકરીના હૃદયસ્પર્શી શબ્દો સ્પર્યા વિના ન રહ્યા. અને લા વાલિયરના હાથનો સ્પર્શ પોતાના હાથને થતાં જ તેમણે તેની
Jain Education International
For Private & Personal Use Only
www.jainelibrary.org
