________________
૨૦૪
પ્રેમ-અંક ઠીક, મૅડમ, આપનો હુકમ હું નકારી શકતો નથી. તો સૌથી પ્રથમ તો હું એટલું જણાવ્યું કે, વનદેવતાઓ પણ વન વન દીઠ જુદી હોય છે. અને તેમાંય ઓકવૃક્ષમાં રહેનારી વનદેવતા ખાસ વિશિષ્ટ શક્તિ ધરાવતી હોય છે. અને તેમાંય ફતેબ્લોના ઉપવનમાં 'રૉયલ-ઓક’ એવા નામવાળા વૃક્ષમાં રહેનારી તો ખાસ વિશિષ્ટ શક્તિ ધરાવે છે. અને રા૫ નામદારને હું તદ્દન નમ્રપણે જણાવી દઉં કે, એ સર્વોત્તમ વનદેવતાનો હું ખાસ મિત્ર છું.”
“શાબાશ, કાઉંટ, તમારી વાત કહેવાની કુશળતા તો રાજાએ વખાણી તે કરતાંય વધુ જણાય છે. અને જે અમને કોઈ ભારે રસિક વાત જાણવા મળશે, એવાં પુરાં એંધાણ તમારા ઉપોદઘાતથી જ વરતાય છે!”
હા, તો જુઓ સાંભળો : ફેબ્લો મુકામે મહાશુભસ્થાને એક ઝૂંપડીમાં બે ગો૫ રહેતા હતા. એકનું નામ હતું તિરસી. તેને વારસામાં ઘણી મોટી જાગીર મળી હતી, અને તે હતો પણ ફૂટડો તથા બધા રાજવંશી ગુણયુક્ત. કહોને કે તે ગોપ-રાજા જ હતો ! પણ તેનું ખાસ
આધિપત્ય સ્ત્રીઓના હૃદયમાં હતું – કોઈ સ્ત્રી પોતાની મરજીથી એના સિવાય બીજા કોઈને પોતાનું ભાવભર્યું હૃદય અર્પી શકે જ નહિ –”
“શાબાશ, શાબાશ! પણ હવે તેના બીજા સાથીનું વર્ણન કરોને! તે પણ તેના મિત્ર-રાજા તિરસી કરતાં કોઈ ઓછો ઊતરે એવો તો નહિ જ હોય !”
“મેડમ, એ બીજા ગોપનું નામ આમિતાં હતું પણ તે મામૂલી માણસનું વર્ણન કરવાનું મને ફાવશે જ નહિ; સામાન્ય બે-પગા માણસ જેવો તે માણસ હતો. માત્ર તેનામાં એક ગુણ હતો અને તે એ કે, તે તેના મિત્ર”
“ગોપ-રાજા” મૅડમે જરા હસી વચ્ચે ઉમેર્યું.
“હાં, હાં – તેના ગોપ-રાજાના હુકમથી તેના પગ આગળ જીવતો દટાવા તૈયાર થઈ જાય.”
“વાહ વફાદારી! વાહ રાજભક્તિ!” મેડમે હસીને કહ્યું.
Jain Education International
For Private & Personal Use Only
www.jainelibrary.org