________________
૧૯૨
પ્રેમ-પક પણ પતિના ઘરમાં આપણો માણસ દાખલ કરવા માટેય બે બાબતો જોઈએ: એક તો પતિની પાસે પહોંચવા કોઈ યુક્તિ જડવી જોઈએ, અને પછી પેલો હોશિયાર માણસ મળવો જોઈએ. તે પોતે એ બંને બાબતોમાં કશો ઉપયોગી નીવડે તેમ નથી.”
“હું નહિ ને મારો મિત્ર માલિકો તો છે ને? તે તમને હજાર યુક્તિઓ શોધી આપશે અને ઘરમાં પેસીને પગ જમાવવાનું પણ તેને બરાબર આવડશે.”
“તારો એ મિત્ર વળી કોણ? મને કંઈ તેનું નામ યાદ આવે છે ખરું.”
અરે ઓરલેથી આવેલો મારો મિત્ર; તમે પહેલાં તેને મોંશ્યોરના ઘર-કારભારમાં જગા મેળવી આપવાનું કબૂલ્યું પણ હતું.”
તો તારા એ મિત્રને કહે કે, મને મોંશ્યોર મીઠી નજરે જોતા થાય એવો ઉપાય બતાવે, પછી હું તેને જરૂર તેમના ઘર-કારભારમાં રખાવી આપીશ.”
પણ એટલામાં રાઓલ ત્યાં આવી પહોંચ્યો. તેણે દ ગીશને જોઈને તરત કહ્યું, “વાહ ભાઈ, ઠીક મળી ગયા; હું તમારી વિદાય લેવા તમને શોધતો જ હતો. મને રાજાજી કોઈ અગત્યનો સંદેશ લઈને ઇંગ્લેંડ મોકલે છે. મૅડમ પાસેથી પણ મારે તેમના ભાઈ ઉપરનો કાગળ લેતા જવાનો છે, એટલે હું ત્યાં પણ જવા માગું છું.”
“ઇંગ્લેંડ મોકલે છે? ઠીક, ભાઈ, ત્યારે વિદાય. અને મૅડમ પાસે કાગળ લેવા જવું હોય તો હમણાં જ જાઓ; મૅડમ એકલાં જ હશે, કારણ કે, મેશ્યોર તો નદીએ સ્નાન મહોત્સવ માટે ચાલ્યા ગયા છે.”
તો તો ભાઈ તમે મેશ્યોરની મંડળીના જ કહેવાઓ, એટલે મારા વતી તેમની માફી માગજો; મારે બહુ જલદી ચાલ્યા જવાનું છે, એટલે તેઓશ્રીને મળીને તેમની વિદાય લેવાનું મારાથી બને તેમ નથી. મ0 ફકેએ રાજાજી તરફથી મને એવી આજ્ઞા આપી છે કે, મારે જરા પણ વાર ન કરવી.”
Jain Education International
For Private & Personal Use Only
www.jainelibrary.org
