________________
ખાસ કામ
૧૮૯
રાજાના પ્રેમમાં ગમે તેટલી તડપ્યા કરે છે, પણ તને પેલી કહાણીની ખબર છે? કે રાજા એક દાસી ઉપર પ્રેમ બતાવતો, તેથી તે દાસી આખો દિવસ ઘેલી ઘેલી થઈને ફર્યા કરતી; પણ ખરી રીતે રાજા તો બીજી કોઈ ઉમરાવજાદી ઉપરનો પોતાનો પ્રેમ ગુપ્ત રાખવા અને બીજાઓને છેતરવા જ તેની દાસી ઉપર પ્રેમનો દેખાવ કરતો હતો? સૌ કોઈ એ વાત જાણતાં હતાં, માત્ર પેલી મૂરખ દાસી જ નહોતી જાણતી!” પણ એટલામાં રાઓલને જ ત્યાં આવતો જોઈ, બંને જણી ગ્રૂપ થઈ ગઈ.
રાઓલ લુઇઝાની રજા લેવા આવ્યો હતો: રાજાએ તેને તાબડતોબ એક ખરીતો લઈ ઈંગ્લેંડના રાજા ચાર્લ્સ-૨ પાસે પહોંચી જવાનો આદેશ કર્યા હતો. મૅડમ પણ પોતાના ભાઈને જે પત્રો લખી આપે, તે તેણે લેતા જવાનું હતું.
M
રાઓલે લુઇઝા તરફ ફરીને કહ્યું, “મારે બહુ તો પંદરેક દિવસ દૂર રહેવાનું થશે; અને આ તો કશા જોખમવાળું કામ પણ નથી. પહેલાં લડાઈનાં મેદાનોમાં ધસી જવાનું હોતું ત્યારે પણ હું તારી વિદાય લઈ પ્રસન્ન ચિત્તે ધસો જતો - કારણકે મને તારા પ્રેમની બાબતની નિરાંત હતી. આજે હવે આ નાના કામ માટે દૂર જવાનું થાય છે, ત્યારે મને મનમાં વિશેષ નિરાંત હોવી જોઈએ; કારણ કે, પાછો આવીશ ત્યાર કદાચ રાજાજી મને તારો હાથ સુપરત કરશે. પરંતુ કોણ જાણે કશા અમંગળ ભાવીની આશંકા વિનાકારણ મને ઘેરી રહી છે જાણે મારા નસીબમાં એ મંગળ દિવસ આવવાનો નથી – અને આવી દુ:ખદ આશંકાનો માર્યા હું તારી પાસે આશ્વાસન – શાંતિ પામવા આવ્યો છું.” આટલું કહી, તે ઘૂંટણિયે પડયો અને લા વાલિયેરનો હાથ પોતાના હાથમાં લઈ તેના ઉપર તેણે નમ્રતાથી ચુંબન કર્યું. લુઇઝાની આંખમાંથી આંસુ વહેવા લાગ્યાં. રાઓલ તે આંસુને પ્રેમનાં સમજ્યો; મેતાલે સાચું કારણ સમજી હતી ગઈ કે, લુઇઝા રાઓલને છેક જ ભૂલી બેઠી છે, તેનાં એ આંસુ છે.
Jain Education International
For Private & Personal Use Only
www.jainelibrary.org
