________________
૧૫૨.
પ્રેમ-પક કોલબેર કુકે પાસે આવતાં મીઠું હસ્યો. એરેમીસે કુકેને ધીમા અવાજે કહ્યું, “બેટો, તમારી પાસેથી બીજા પચીસ-પચાસ લાખ માગવાનો હોય એમ લાગે છે.”
કોલબેરે આવતાંવેંત કુકેને પૂછયું, “અમારી આ બધી તૈયારીઓ આપને મોંશ્યોર, કેવી લાગી?”
“બહુ સારી તૈયારીઓ છે, કહેવું જોઈએ.”
“અલબત્ત, અમે બધા રાજાજીના નોકરો તો ગરીબ માણસો છીએ; તેમ જ ફેબ્લોની સરખામણી આપના વૉના મહેલ સાથે તો ન જ થઈ શકે”
“સાચી વાત છે,” કુકેએ ટાઢાશથી કહ્યું.
“અમે અમારાં નબળાંપાતળાં સાધનોથી જેટલું થઈ શકે તેટલું કર્યું છે.”
કુકેએ જવાબમાં માત્ર નમન કર્યું.
પરંતુ, આપ આપના અભુત બગીચાઓમાં રાજાજીને મહોત્સવ માટે નિમંત્રો તો વધુ સારું કહેવાય નહીં? આપના બગીચાઓની ખ્યાતિ દૂર દૂર સુધી ફેલાયેલી છે. નહીં નહીં તોય તેમની પાછળ છ કરોડ ફ્રાંક ખ થયું હશે.”
સાત કરોડ વીસ લાખ ફ્રાંક,” કુકેએ જણાવ્યું.
“તો તો આપ જો રાજાજીને એ બગીચાઓમાં ઉત્સવ ગોઠવીને નિમંત્રો, તો રંગ રહી જાય.”
“પરંતુ, નામદાર રાજાજી મારું એવું નિમંત્રણ સ્વીકારે એમ તમે માનો છો?”
“મને એમાં જરાય શંકા નથી; તેઓશ્રી સ્વીકારશે જ એની હું ખાતરી આપું છું.”
“તો હું જરૂર એ બાબત વિચાર કરીશ,” યુકેએ કહ્યું.
“કબૂલ કરી લો, કબૂલ કરી લો,” ઑમીસે આતુરતાથી કુકેના કાનમાં કહ્યું.
Jain Education International
For Private & Personal Use Only
www.jainelibrary.org