________________
છુપાઈને સાંભળનાર સાંભળી શકે
૧૪૫
મરવાનો વિચાર છોડી દો, અને તમારા કુટુંબને માટે, રાજા માટે, તથા અમો સૌ સ્રીજાત માટે જીવતા રહો; કારણ કે, સ્ત્રીઓ તમારા પ્રત્યે પ્રેમ અને આદર દાખવી શકે તેવા તમે વીર છો, બહાદુર છો.”
“મૅડમ, મૅડમ !'
..
'ના, ના; હજી સાંભળો. જ્યારે તમે પહેલાં તો આવશ્યકતાને જ કારણે, અને પછી મારી વિનંતીને કારણે મને ભૂલી જશો, ત્યાર પછી જ તમે મારું સાચું મૂલ્યાંકન કરી શકશો; અને મને ખાતરી છે કે, તમે અત્યારના તમારા પ્રેમ'ને બદલે તે વખતે તમારી સાચી મિત્રતા મને અર્પશો, જેનો હું ખરા અંતરથી સ્વીકાર કરીશ.”
દ ગીશે પોતાનો હોઠ જોરથી દાંત નીચે દબાવ્યો અને જારથી પગ જમીન ઉપર પછાડયો. પછી શ્વાસ રૂંધાતો હોય તે રીતે તે બોલ્યો, “મૅડમ, તમે જે અર્પવા માગો છો તે મારાથી સ્વીકારી શકાય તેમ નથી.”
4.
“શું? તમે મારી મિત્રતાનો અસ્વીકાર કરો છો?”
“એમ નહિ, પણ મને તમારી મિત્રતાની જરૂર નથી; હું તમારા માટેના પ્રેમમાં મરી જવાનું વધુ પસંદ કરીશ — તમારી મિત્રતા માટે જીવવાના કરતાંય —''
“કાઉંટ !”
“મૅડમ, આ આખરી ઘડી છે, એટલે એક પુરુષ પોતાના અંતરથી જે સ્ત્રીને ભજે છે તેની સાથે જે રીતે બોલે, તે રીતે હું બધું બોલી નાંખું તો ક્ષમા કરશો. મેં તમારી વિરુદ્ધ ફરિયાદરૂપે જે કંઈ કહ્યું હતું, તે મારી તમારા પ્રત્યેની આસક્તિને કારણે કહ્યું હતું. મેં ઉપરાંતમાં કહ્યું હતું કે, હું મરી જવા માગું છું, અને હું અવશ્ય મરી જઈશ. કારણ કે, હું જીવતો રહીશ, તો તમે મને ભૂલી જશો; પણ હું મરી જઈશ, તો તમે મને કદી નહિ ભૂલી શકો, એની મને ખાતરી છે.”
હવે વિચારમાં પડી જઈ માથું નીચું નમાવી દેવાનો અને માં બાજુએ ફેરવી લેવાનો મૅડમનો વારો આવ્યો. એક મિનિટ વિચાર કરી લઈ તેણે નમ્રતાથી કહ્યું, “તો તમે મને ખૂબ જ ચાહો છો, ખરુ?"
'
પ્રે.-૧૦
Jain Education International
For Private & Personal Use Only
www.jainelibrary.org
