________________
૧૦૪
પ્રેમ-પંક “પ્રથમ તો તે પેલી સ્ત્રી સામે નજર પણ ન નાખતા હોવાનો દેખાવ કરે.”
“પણ એ તો મેં કહ્યું હતું તે જ થયું!”
“ના, ના, પરંતુ સરકાર, એક સ્ત્રી તરીકે હું એટલા દેખાવમાત્રથી ન ભરમાઉં. હું તો તેમને ત્રીજી કોઈ સ્ત્રી ઉપર પ્રેમ કરતા જોઉં, તો જ માનું કે પેલી ઉપર હવે તેમનો ભાવ રહ્યો નથી.”
“શાબાશ! અર્થાત્ મારે તમારા કરતાં બીજી કોઈ ઉપર પ્રેમ કરવા માંડીને તમારી ઉપરના પ્રેમને છુપાવવો જોઈએ, ખરુંને? પરંતુ તેમ કરવાથી મેંશ્યોરનું મન ભલે શાંત થાય, પણ તમારે બદલે મને બીજી કોઈ સ્ત્રી ઉપર પ્રેમ કરતો જોઈને રાણીનું મન શી રીતે શાંત થાય?”
“વાહ, સરકાર, મારા ઉપરનો ઘા ખાળવામાં આપ મદદગાર થાઓ એટલું ઓછું છે? અદેખી સ્ત્રીઓને તો કોઈ દિવસ કોઈ ક્યારેય શાંતિ નહિ આપી શકે, તેઓ તો સાચું નિમિત્ત ન હોય તો કલ્પિત નિમિત્તથી પણ દુ:ખી થયા જ કરવાની.”
પરંતુ, મારે કોના ઉપર પ્રેમ કરવાનો દેખાવ કરવો, એ પણ તમારે જ નક્કી કરી આપવું પડશે ને? અને એ પાત્ર એવું હોવું જોઈએ કે, ઉપર ઉપરથી હું તેના પ્રત્યે પ્રેમનો દેખાવ કરવા જાઉં તેટલામાં જ મને સાચેસાચ પ્રેમ કરવા લાગી જઈ, તે મને ગળે પડતું ન આવે; અને બીજી બાજુ હું પણ તેને સાચેસાચ પ્રેમ કરવા લાગી ન જાઉં!”
સરકાર, મને દરદીની બરાબર માહિતી છે! મને છોડી આપ બીજી કોઈ ઉપર સાચેસાચ પ્રેમ કરવા લાગી જવાના નથી –”
રાજાએ પોતાના પ્રેમ વિષેના મેડમે બતાવેલા આવા અડગ વિશ્વાસથી પુલકિત થઈ જઈ, મેડમનો હાથ આભારવશ જરા દબાવ્યો. મેડમે હસતાં હસતાં આગળ કહ્યું, “અને સરકાર, મારી તહેનાતબાનુઓમાં એક એવી છે કે, તેના ઉપર ગમે તેટલો પ્રેમ આપ દેખાડશો, તોપણ આપના ઉપર હક કરતી કદી નહિ આવે!”
Jain Education International
For Private & Personal Use Only
www.jainelibrary.org
