________________
ફેબ્લિો
૧૦૧ રાણી માતાએ એકદમ તો જુદો જ દેખાવ ધારણ કરી, પોતાના ભાઈ પ્રત્યે તથા પોતાની પત્ની પ્રત્યે આમ અદેખાઈનો ભાવ ધારણ કરવા બદલ ફિલિપને ડાર્યો, પરંતુ મોરની વાત એટલી સાચી હતી કે, રાણી-માતાથી વિશેષ કાંઈ કહી શકાયું નહિ.
મેંશ્યોરે હવે તબેલા તરફ જઈ, ઘોડો માગ્યો; પણ તબેલાવાળાએ એકે ઘોડો નથી' એમ કહ્યું એટલે પાસે પડેલી ચાબૂક લઈને મેંશ્યોરે એ તબેલાવાળાને એવો ઝૂડવા માંડ્યો કે તે બિચારો ચીસો પાડતો બહાર નાઠો. મેંશ્યોર તેની પાછળ પડ્યા અને ચોતરફ દોડાદોડ કરીને તેમણે એક મોટું રમખાણ મચાવી મૂકયું.
આ તરફ નદીકિનારે વનદેવીઓ અને દેવ-દેવીઓની હાજરીમાં શણગારેલી હોડીની મદદથી એક અદ્ભુત દૃશ્ય સરજાઈ રહ્યું હતું. મેડમ
સ્નાન માટેના ચુસ્ત અર્ધ-પોશાકમાં અને શુંગારમાં અદ્ભુત અસરાનો દેખાવ કરતી સૌને આકર્ષી રહી હતી. રાજાજીની આંખોમાંથી નીતરતો પ્રેમરસ પણ સામેથી બીજી જોવા જેવી બાબત હતી. અને આસપાસનાં સૌ એ વસ્તુની નોંધ લીધા વિના રહી શક્યાં નહિ.
સ્નાન પછી રાજા અને મૅડમ, સુંદર ઘોડાઓ ઉપર અદાથી જોડાજોડ સવારી કરીને, આખા દરબાર સાથે, તંબુઓથી સરજાયેલા ઉપવનનગરમાં પાછાં ફર્યા. મેડમ તરત એકલા પાછળ મૂકેલા મેંશ્યોરને સંભાળી લેવા દોડી ગઈ, અને રાજાજી રાણી અને રાણીમાતાને મનાવી લેવા.
એ પ્રસંગે શું શું થયું એ શબ્દોમાં કહી બતાવવાને બદલે, વાચકને થોડે આગળ જ વર્ણવેલી ઘટનાઓ ઉપરથી જાતે જ અનુમાન કરી લેવા વિનવીએ છીએ.
રાજાજી પોતાના તંબૂમાં જઈ અરીસા આગળ ઊભા રહી, પોશાક ઠીકઠીક કરી રહે, તે પહેલાં તો મૅડમ તરફથી એક નાનીસરખી ચિઠ્ઠી આવી પહોંચી.
Jain Education International
For Private & Personal Use Only
www.jainelibrary.org
