________________
સલાહકારો “બહુ સારું, ભાઈ તમે એ નૃત્ય-સમારંભમાં હાજર નથી રહેવાના?” “ના મારે શહેરમાં એક મુલાકાત પતાવવાની છે; આવજો ભાઈ.”
સાંજના નૃત્યસમારંભમાં સૌ ફોતેબ્લો મુકામે થનારા મહોત્સવમાં રાજાજી તરફથી વિધિસર આમંત્રણ મળશે એની ઉત્સુકતાથી રાહ જોતાં હતાં.
મેડમે દ ગીશની પ્રેમભરી નજર ઝીલી હતી, અને દિવસ દરમ્યાન તેને દીધેલો છેહ પોતાને જ કઠવા લાગ્યો હોવાથી તેણે સામેથી બમણી ઉષ્મા દાખવતી નજરે દ ગીશને નવાજ્યો હતો.
રાજાની નજરમાંથી આ બધું અછતું રહ્યું ન હતું. તેથી જ્યારે ફોતેબ્લો મુકામે સૌને નિમંત્રણ આપવામાં આવ્યું, ત્યારે તેણે મોટેથી કહ્યું, “અહીં તમે સૌ જે હાજર છો, તે સૌને ફેબ્લોના મહાસમારંભમાં આવવાનું મારું હાર્દિક નિમંત્રણ છે.”
સૌ રાજી રાજી થઈ ગયાં અને એક પછી એક રાજાજી સમક્ષ આવીને નિમંત્રણ બદલ તેમનો આભાર માનવા લાગ્યાં. દ ગીશ પણ જ્યારે આભાર માનવા આવ્યો, ત્યારે રાજાએ તેને માત્ર એટલું જ કહ્યું, “હાં, હાં, કાઉંટ, મેં આમંત્રણ આપતી વખતે તમને જોયા ન હતા.”
કાઉંટે નીચા નમી વંદન કર્યું, અને મૅડમ મડદા જેવી ફીકી પડી ગઈ. કાઉંટ આભાર માનવા પોતાનું માં ખોલે તે પહેલાં રાજાએ ઉમેર્યું, “કાઉટ તમારે તો ખેતીની મોસમ ચાલુ થઈ હોવાથી નૉર્મન્ડીમાં તમારી જાગીર ઉપર જવાનું હશે; તમારા ખેડૂતો તમારી રાહ જોઈ રહ્યા
હશે.”
આવો સખત પ્રહાર કરી રાજાએ બિચારા કાઉંટ તરફ પીઠ ફેરવી લીધી. કાઉંટ એકદમ મડદા જેવો ફીકો પડી ગયો; તથા પૂછવામાં આવેલા પ્રશ્નના જવાબ સિવાય, વગર પરવાનગીએ રાજાને સંબોધન ન કરી છે–૭
Jain Education International
For Private & Personal Use Only
www.jainelibrary.org
