________________
મધ્યસ્થી! “પણ સરકાર, આપ એક વફાદાર મિત્રરાજા બની શકશો?” “મેડમ તમે જોશો ત્યારે ખાતરી થશે.” “અને એ કરાર ક્યારથી અમલમાં આવશે?” “આજથી, અત્યારની ઘડીથી!”
“તો સરકાર, હું આપને ચમત્કાર સરજી બતાવીશ; આપના આખા રાજદરબારમાં આપ જ એકમાત્ર સ્વતેજથી ઝળહળતા સૂર્ય છો !”
“મેડમ, મૅડમ! તમે જ જાણો છો કે એ સૂર્યના અંતરનો પ્રકાશ તમારા તરફથી આવતા પ્રકાશને કેટલો આભારી છે.”
જાઓ, જાઓ, સરકાર, તમે તમારા મિત્રની ખુશામત કરી તેને છેતરી રહ્યા છો !”
હું સોગંદ ખાઈ બતાવું?”
“આપ સરકારના સોગંદથી મારા જેવીનું માથું કેટલું ફરી જાય એ સમજો છો?”
રાજાએ તરત એક બાજઠ ઉપર ઘૂંટણિયે પડી, મૅડમનો હાથ પોતાના હાથમાં લીધો. મૅડમે કવિજન કે ચિત્રકાર કલ્પી શકે તેવા મધુર સ્મિત સાથે તેને પોતાના બંને હાથ આપી દીધા. રાજાએ તે બંને હાથોમાં પોતાનું બળ માં છુપાવી દીધું. બંનેમાંથી કોઈ એક શબ્દ બોલી શકયું નહિ.
મેડમે થોડી વારમાં વહાલથી તેના મોં ઉપર હાથ ફેરવતી હોય તે રીતે પોતાના હાથ ખેંચી લીધા.
રાજા ઝટપટ ઊઠીને કમરા બહાર ચાલ્યો ગયો.
Jain Education International
For Private & Personal Use Only
www.jainelibrary.org