________________
પ્રેમ-પંક
પણ મારા ભાઈને સંતોષ આપવા ખાતર તમે શું કરશો, એ તો કહો!”
ફ્રાંસમાંથી મારી રવાનગી, વળી!”
“એ વાત ફરી તમે કેમ મોંએ લાવ્યાં? તમે જોતાં નથી કે એ સાંભળીને મને બહુ ઓછું આવી જાય છે.” રાજા ગફલતમાં પોતાના પ્રેમની કબૂલાત કરી બેઠો!
: “પણ સરકાર, હું અહીં સુખી નહિ થઈ શકું; મેંશ્યોરને આજે મેં૦ દ ગીશનો કંટાળો આવે છે; કાલે બીજા કોઈનો વારો આવશે. મને ઇંગ્લેંડ જ પાછી ફરવા દો.”
“કદી નહિ, કદી નહિ!”
તો શું સરકાર, મને અહીં કેદ કરી રાખશો?”
“હા, હા, જરૂર પડશે એમ પણ કરીશું. પણ પ્રિય, તમે એમ કેમ ન કરી શકો કે, મૌ૦ દ ગીશ જેવા અણગમતાઓની સોબત શોધવાને બદલે, કે સદંતર વિદાય થવાની વાત કરવાને બદલે, અમારી સાથે જ એક થંઈને રહો! ભલે અમારામાં મેં૦ દ ગીશ જેટલી બુદ્ધિમત્તા કે ચપળતા નહિ હોય, છતાં તમને સુખી જોવાની ઈંતેજારી બાબતમાં અમે જરાય ઊતરતા નહિ હોઈએ, કદાચ.”
રાજાએ આટલું કહી, મૅડમ પ્રત્યે ભાવભરી આંખે જોયું અને પછી કહ્યું, “પ્રિય મને એક વચન આપો.”
“શું, બોલો!”
“જે સમય અને સોબત ઉપર અમારો તમારા સ્નેહીજન તરીકે હક છે, તે બધું તમે અજાણ્યાઓ અને અપરિચિતો સાથે તમારા કમરામાં ગોંધાઈ રહીને વેડફી નહિ નાખો. બોલો આપણે દુશ્મન સામે સંરક્ષણાત્મક અને આક્રમણાત્મક કોલકરાર કરવા છે?”
“સાપની સાથે કોલકરાર, સરકાર?” કેમ નહિ? તમે પણ એક સમ્રાટ જેટલી જ સત્તા ધરાવો
છો
.
Jain Education International
For Private & Personal Use Only
www.jainelibrary.org