________________
લૉરેઈનની અદેખાઈ થયા નથી, તેટલામાં તો પોતાની પત્નીના પ્રેમીઓ બાબત ફરિયાદ કરવા બીજી વાર દોડી આવ્યો!”
“શું હજુ બકિંગહામની જ કોઈ વાત છે?” “ના, ના, હવે દ ગીશનો વારો છે?” “તો મેડમ બહુ ઉદંડ બાઈ છે કે શું?”
“હશે જરા વળી; સ્વતંત્રપણે ઊછરી હોય, તો થોડું ઘણું એમ બને પણ ખરું.”
બાપડો, મારો નાનો ભાઈ ! તો તો તેનું આવી બન્યું !” રાજા હસતો હસતો બોલ્યો.
“તો શું તમને મૅડમની ઉદંડ પ્રકૃતિનો કાંઈ વાંધો નથી ને?”
“મેડમમાં એ વસ્તુ જરા વાંધાભરી કહેવાય ખરી; પણ ખરી રીતે અંતરથી તે તેવી નથી, એમ હું માનું છું.”
પણ તમારો નાનો ભાઈ તો ગુસ્સે થઈ ગયો છે, અને તે દ ગીશને પાણીમાં ડુબાડી દેવા માગે છે!”
એ તો બહુ સખત સજા કહેવાય!” રાજાજી હસી પડીને બોલ્યા.
“પણ એમ હસી કાઢવા જેવી આ વાત નથી. આપણે કંઈક વિચારવું જોઈએ.”
“દ ગીશને બચાવી લેવા ખરુને? જરૂર એ કામ તો આપણે કરવું જ જોઈએ! આપણા ઉમરાવોની એવી કતલ આપણે ન થવા દેવી જોઈએ.”
તમારો નાનો ભાઈ તમારી આ મજાકો સાંભળી જાય, તો જરૂર તે તમને રાજગાદીએથી ઉથલાવી પાડવા કાવતરાં જ કરવા માંડે; જેમ તમારા કાકા તમારા પિતાની સામે કર્યા કરતા હતા!”
ના, ના, ફિલિપ મને ખૂબ ચાહે છે; અને સામી બાજુએ મને પણ તેના ઉપર બહુ વહાલ છે. અમે બંને ભાઈ સારી રીતે સલાહસંપથી રહેવાના, એ જાણી રાખજો. પણ ફિલિપનું કહેવું શું છે?”
Jain Education International
For Private & Personal Use Only
www.jainelibrary.org