________________
૮૪
પ્રેમ-પંક “કે તમે મૅડમને ઉદંડ થવાની મના કરો; અને દ ગીશને તેના પ્રત્યે ભાવ રાખતો રોકો!”
તો તો મારા ભાઈને રાજાના ફરમાનની શક્તિ વિષે બહુ ઊંચો અભિપ્રાય હોય એમ લાગે છે! કોઈ સ્ત્રીને સુધારવી અને તે પણ મનાઈહુકમ ફરમાવીને! અને સાથે સાથે પ્રેમી થતા એક પુરુષને પણ!”
“તો તમે આ બધું કઈ રીતે પતવવા ધારો છો?”
“દ ગીશ હોશિયાર માણસ છે; તેને એકાદ શબ્દ કહેતાં જ તે સાનમાં સમજી જશે.”
પણ મેડમને?”
“એ જરા અઘરી વસ્તુ છે. કોઈ સ્ત્રીને એક શબ્દથી સાનમાં કે ભાનમાં ન લાવી શકાય. તેને માટે કોઈ વખત આકરા ઉપાય પણ લેવા પડે– પણ મારા ભાઈ ખાતર હું એ પણ લઈશ.”
“એટલે? કશું અજુગતું તો નહીં કરો ને?” .
“ના, ના, માતાજી, તમે મને શું માની લીધો? મૅડમ જેવી જીવરી સ્ત્રીનો તરવરાટ મનાઈહુકમોથી કે બંધનોથી ન શમાવી શકાય એ બધો તનમનાટ માત્ર બીજી તરફ વાળી લઈ શકાય અને બહારનાઓને બદલે આપણા કુટુંબ તરફ જ તે વળે, તે માટે શરૂઆતમાં મારે જ સાચવીને વચ્ચે કૂદી પડવું પડશે.”
“બરાબર છે, સ્ત્રીના પ્રેમને તો એ રીતે જ સાચવી લેવો જોઈએ! એને ફુધી ન નખાય.”
તો માતાજી, ફ્રાંસ દેશનો સૌથી સુંદર એવો તમારો હાથ આગળ કરો જોઉં, તેના ઉપર ચુંબન કરીને જ હું એ કામ ઉપાડું.”
સફળ નીવડજો, સરકાર, કુટુંબની સ્વસ્થતાના રખવાળ બનજો.” માતા પુત્રનાં ઓવારણાં લેતી બોલી.
Jain Education International
For Private & Personal Use Only
www.jainelibrary.org
