________________
૬)
આ સૂત્રના બત્રીશ (વા તેત્રીશ) આલાપકનું
નવ વિભાગમાં વર્ગીકરણ
इह द्वात्रिंशदालापकाः, त्रयस्त्रिंशदित्यन्ये 'वियदृछउमाणमित्यनेन सह । इह च
आद्यालापकद्वयेन स्तोतव्यसम्पदुक्ता, यतोऽर्हतामेव भगवतां स्तोतव्ये समयं निवन्धनं।
तदन्यैस्तु त्रिभिः स्तोतव्यसम्पद एव प्रधाना साधारणासाधारणरूपा हेतुसम्पत् , यत आदिकरणशीला एव तीर्थकरत्वेन स्वयंसम्बोधिताश्चैते भवन्ति ।
तदपरैस्तु चतुर्भिः स्तोतव्यम्पद एवासाधारणरूपा हेतुसम्पत् , पुरुषोत्तमानामेव सिंहपुण्डरीकगन्धहस्तिधर्मभाक्त्वेन तद्भावोपपत्तेः।
तदन्यैस्तु पञ्चभिः स्तोतव्यसम्पद एव सामान्येनोपयोगसम्पत् , लोकोत्तमत्वलोकनायकत्वलोकहितत्वलोकपदीपत्वलोकप्रद्योतकरत्वानां परार्थत्वात् ।
तदपरैस्तु पञ्चभिरस्या एवोपयोगसम्पदो हेतुसम्पत् , अभयदानचक्षुर्दानमार्गदानशरणदानबोधिदानैः परार्थसिद्धेः ।
तदन्यैस्तु पञ्चभिः स्तोतव्यसम्पद एव विशेषेणोपयोगसम्पत् , धर्मदत्वधर्मदेशकत्वधर्मनायकत्वधर्मसारथित्वधर्मवरचातुरन्तचक्रवर्तित्वेभ्यस्तद्विशेषोपयोगात् ।
तदन्यद्वयेन तु स्तोतव्यसम्पद एव सकारणा स्वरूपसम्पत् , अप्रतिहतवरज्ञानदर्शनधरा व्यावृत्तछद्मानश्चार्हन्तो भगवन्त इति हेतोः।
तदपरैश्चतुर्भिरात्मतुल्यपरफळकर्तृत्वसम्पत् जिनजापकत्वतीर्णतारकत्वबुद्धबोधकत्वमुक्तमोचकत्वानामेवंप्रकारत्वात् । ___ तदन्यैस्तु त्रिभिः प्रधानगुणापारक्षयप्रधानफलाप्त्यभयसम्पदुक्ता, सर्वज्ञसर्वदर्शिनामेव शिवाचलादिस्थानसम्माप्तौ जितभयत्वोपपत्ते ॥२४
Jain Education International
For Private & Personal Use Only
www.jainelibrary.org
