________________
પ્રેમ-બલિદાન મેસ થિયરીએ જવાબ આપ્યો, “મને મૅરિયાન નામ ગમતું નથી; એમાં બે કદરૂપાં જાનવરોનાં નામ સમાયેલાં છે-“મેરિ’ એટલે પતિ, અને “આન’ એટલે ગધેડો.”
જોકે, એ ઉપરથી એમ માની લેવાનું નથી કે, મેસ લેથિયરી પિતાની ભત્રીજી પરણે જ નહીં એવું ઇચ્છતો હતો. તે એને પરણાવવા ઇચ્છતો જ હતો; પણ એવા માણસ સાથે, જે પોતાની પેઠે ખૂબ મજારી કરી જાણે અને દેશને કશું કામ કરવાનું બાકી ન રાખે. પરષના હાથ બદામી હોવા જોઈએ અને સ્ત્રીના હાથ ધોળા – એવો તેને સિદ્ધાંત હતો. દેરુશેત પોતાના નાજુક સુંદર હાથ બગાડી ન મૂકે તે માટે તેણે તેને એક જુવાન લેડીની પેઠે ઉછેરી હતી. તેને માટે તેણે સંગીતશિક્ષક, પિયાન, નાનુંશું પુસ્તકાલય, અને સીવણ-ગૂંથણની બાસ્કેટની જોગવાઈ કરી હતી. જોકે, દેરુશેતને સીવણ-ભરત કરતાં વાંચવાનું વધુ ગમતું, તથા વાંચવા કરતાં સંગીત. મેસ લેથિયરીને એ વાતથી પૂર સંતોષ હતો. તે એની પાસેથી એક જ વાતની અપેક્ષા રાખ્યા કરતો : તેણે વધુ ને વધુ મધુર – નાજુક થયે જવું ! અને તેથી તેણે તેને એક સ્ત્રી કરતાં એક ફૂલની પેઠે ઉછેરી હતી.
ખલાસીઓનું માનસ સમજવા પ્રયત્ન કરનારને આ વાતની કશી નવાઈ નહીં લાગે. માણસ જેમ વધુ ખરબચડો, તેમ તેને સુંવાળપ
વધુ ગમે.
પરંતુ મેસ લેથિયરીનું ધ્યેય ભત્રીજી પાર પાડી શકે, તે માટે મેસ લેથિયરી પોતે ખૂબ તવંગર હોવો જોઈએ. અને મેસ લેથિયરી એ માટે જ કતનિશ્ચય હતો. તેનું મોટું સ્ટીમ-જહાજ એ જ કામે લાગેલું હતું. દરાંદે મારફતે તે દેશે માટે મિલકત તેમ જ દહેજ ઊભાં કરી રહ્યો હતો!
ઍવિઝમાં સૌથી સુંદર કમર દેશેતને હતો. તેને બે બારીઓ હતી. તે ઓરડાનું ફરનિચર તથા પડદા વગેરેની સજાવટ પણ સુંદર હતી.
Jain Education International
For Private & Personal Use Only
www.jainelibrary.org
