________________
લેથિયરી આમ બરાબર અર્થે પાયમાલ થયો કહેવાય; પણ તે ભાગી પડ્યો નહિ. તેણે તરત જ પોતાની ખોટ ભરપાઈ કરવાનો પ્રયત્ન આદર્યો. એ અરસામાં સ્ટીમ બોટની વાતો લોકોને મેએ સંભળાતી હતી. એટલે તરત ફલ્ટને શોધેલા વરાળયંત્રને ઉપયોગમાં લઈ, ફ્રાંસના કિનારા સાથે સ્ટીમ-બોટનો વ્યવહાર ઊભો કરવાની કલ્પના લેથિયરીને આવી. તેણે પોતાની પાસેની બાજીનું છેલ્લું પતું ખેલ્યું, અને પોતાની બાકી રહેલી તમામ મૂડી તેમાં રોકી. પરિણામે, રેતેંના અલોપ થવા પછી છ મહિના બાદ સેંટ સેંસન બંદરના દિમૂઢ થયેલા લોકોએ એક દિવસ સ્ટીમ-બોટને બંદરમાંથી બહાર નીકળતી જોઈ. દરિયામાં દવ લાગ્યો હોય એવી દેખાતી એ બોટ, આ તરફ લોકોને જોવા મળેલી પ્રથમ સ્ટીમર હતી.
સ્ટીમ-બોટ ગ્યાસીથી સેંટ મૅલો સુધી નિયમિત જવર-અવર કરતી.
Jain Education International
For Private & Personal Use Only
www.jainelibrary.org
