________________
પ્યાલે હેઠે પહોંચે તે પહેલાં ૧૮૧ પણ આ પાંચમી આડચ ઊભી કરવામાં તોફાને જ તેને મદદ કરી હતી ! આ ત્રાપો એવો સરસ ગોઠવાયો હતો કે, નીચેથી પાણી પસાર થાય અને છતાં ઉપરથી તોફાનનો પછડાટ ખળાઈ રહે.
હવે વાદળ ગમે તેટલું ઘમસાણ મચાવે, પણ ડચ-બોટને નુકસાન થાય તેવો સંભવ રહ્યો નહિ.
જિલિયાતે હવે પાસેના ખડકના ખાબોચિયામાં ભરાયેલું વરસાદનું પાણી ખેબો ભરીને પીધું.
પછી જિલિયાત ડચ-બોટમાં જ ઊતરી પડ્યો, અને તેની સ્થિતિ તપાસવા લાગ્યો.
એની તપાસ હજુ ચાલતી જ હતી તેટલામાં અચાનક તેની પાસેથી કશુંક ધોળું ઊડતું ઊડતું પસાર થયું અને અંધારામાં ભળી ગયું. એ સી-ગલ પક્ષી હતું. એનો અર્થ એ કે, તોફાન પૂરું થયું હતું !
તોફાન બરાબર વીસ કલાક ચાલ્યું હતું. અને જે પવન તે તેફાનને ખેંચી લાવ્યો હતો, તે જ તેને આગળ ધકેલી ગયો હતો.
થોડી વારમાં તો આકાશ ભૂરું થઈ ગયું.
થાકેલો જિલિયાત ડચ-બોટમાં જ આડો પડયો અને ઘસઘસાટ ઊંઘી ગયો.
Jain Education International
For Private & Personal Use Only
www.jainelibrary.org
