________________
૧૮
દુદ્વે ખડકા ચેનસીની દક્ષિણે દરિયામાં પાંચ લીગ જેટલે દૂર,
પ્લેઇનૉન્ટ પૉઇન્ટની સામે, લા માંશે અને સૅન્ટ મૅલો ટાપુઓની વચ્ચે ખડકોનું એક જૂથ છે–દુવ્રે નામનું. એ બહુ જોખમભરેલા ખડકો છે.
સામાન્ય રીતે વધુ જવરઅવરવાળા દરિયાના ખડકો નિર્જન નથી હોતા. કયાંક દાણચોરોનો અડ્ડો હોય તો કયાંક જકાતીખાતાના અમલદારોનો; અને માછીમારો તથા શિકારીઓની અવરજવર તો હોય જ. પરંતુ વ્રે આગળ કોઈ જીવતું માણસ ન હોય! બહુ તો દરિયાઇ પંખીઓ ત્યાં ટોળાબંધ હોય.
લા માંથેના જોખમકારક દરિયામાં વ્રે જેવા ભયજનક ખડકો બીજા કોઈ નથી. ગ્યર્નસી અને સર્ક વચ્ચેનો પેટર-નોસ્ટર ખડક બહુ કારમો છે ખરો; પણ ત્યાંથી નિશાની કરીને મદદે કોઈને બોલાવી શકાય. પરંતુ દુવ્રે ઉપરથી એની પણ આશા નહી; મારગ ભૂલ્યા સિવાયનું કોઈ એની સરસું જાય જ નહિ. ગ્રેનાઈટના એ ખડકો જેવા જંગી છે, તેવા જ કારમા છે: ચારે તરફ સીધી કરાડો અને નીચે ભયંકર બખોલો. ખુલ્લા દરિયામાં એ ખડકો આવેલા છે. આસપાસનું પાણી ખૂબ જ ઊંડું છે. છેક જ અલગ પડી ગયેલા અને અવરજવર વિનાના એ ખડકો નીચેનાં પોલાણોમાં અને ગુફાઓમાં વિચિત્ર અને ભયંકર દરિયાઈ પ્રાણીઓનો પણ ઝમેલો ભેગો થાય છે. મોટામોટા જળહાથીઓ એકબીજાનો ગ્રાસ કરતા ત્યાં રહે છે. માણસની નજરને ટાળતાં અને તેથી જ માણસની નજરે ન પડેલાં વિચિત્ર જળચર પ્રાણીઓ પણ ત્યાં વસતાં હોય છે.
Jain Education International
પ
For Private & Personal Use Only
www.jainelibrary.org
