Apangna Ojas

SR No.: 004953
Original Sutra Author: N/A
Author: Kumarpal Desai
Publisher: Sanskar Sahitya Mandir Ahmedabad
Publication Year: 2011
Total Pages: 202
Language: Gujarati
Classification: Book_Gujarati, Sermon, & Biography
File Size: 8 MB

Page 40

સર્વપ્રથમ ભારતીય ખેલાડી બન્યો. પછી તો શાનદાર સિદ્ધિ પુરુષાર્થી પૌડીના કદમ ચૂમતી જ રહી.
૧૯૬૪માં ઑસ્ટ્રેલિયા સામે મદ્રાસની પ્રથમ ટેસ્ટમાં અણનમ રહીને ૧૨૮ ૨ન કર્યા. પોતાના પિતાની માફક ઑસ્ટ્રેલિયા સામેના પોતાના પ્રથમ ટેસ્ટ મુકાબલામાં પટૌડીએ સદી કરી. મુંબઈની બીજી ટેસ્ટમાં કટોકટીને સમયે જવાબદારીભરી રમત બતાવીને પ્રથમ દાવમાં ૮૬ અને બીજા દાવમાં ૫૩ રન કર્યા. આ મૅચમાં વિજયાદશમીને દિવસે ભારતને યાદગાર વિજય મળ્યો. પટૌડીના સુકાનીપદ હેઠળ આ ટેસ્ટશ્રેણીમાં ભારતીય ટીમે ઑસ્ટ્રેલિયાની મજબૂત ગણાતી ટીમની બરાબરી કરી.
ઈ. સ. ૧૯૬૭માં ઇંગ્લૅન્ડમાં હેડિંગ્લેમાં ખેલાયેલી પ્રથમ ટેસ્ટમાં ભારતે કંગાળ દેખાવ કર્યો, ભારત ઇંગ્લૅન્ડના ગંજાવર જુમલાનો સામનો કરી શક્યું નહીં. પ્રથમ દાવમાં ૧૬૪ રનમાં ભારતીય ટીમ આઉટ થઈ ગઈ. ૩૮૬ ૨ન પાછળ રહેલું ભારત ફોલોઓન થયું. આ સમયે એક પણ ચાન્સ આપ્યા વિના પટૌડીએ પાછળના સામાન્ય ખેલાડીઓના સાથમાં ૧૪૮ રન કર્યા. ભારતીય ટીમે ૫૧૦ રનનો જુમલો કર્યો. ઇંગ્લૅન્ડના અગાઉના પાંચે પ્રવાસમાં ભારતીય ટીમ આટલો જુમલો કરી શકી ન હતી. પટૌડીની શાનદાર રમતે ભારતની નબળી બૅટિંગમાં નવચેતનનો સંચાર કર્યો. વેસ્ટ ઇન્ડિઝના અમર ઑલરાઉન્ડર લિયરી કોન્સ્ટેનટાઇને પટૌડીની આ રમતને ક્રિકેટના ઇતિહાસની એક અત્યંત હિંમતભરી રમત કહીને બિરદાવી. ‘ડેઇલી એક્સપ્રેસ’ નામના અખબારે પટૌડીની રમતને ‘આધુનિક ટેસ્ટક્રિકેટની ભવ્ય સદીઓમાંની એક સદી’ કહીને લખ્યું કે, ‘ઇંગ્લૅન્ડ ‘ટાયગર’ (પટૌડીનું ઉપનામ)ને સલામી આપે છે.’
૧૯૬૭-૬૮માં ભારતીય ટીમ ઑસ્ટ્રેલિયાના પ્રવાસે ગઈ. પટૌડીના ડાબા પગના સાથળ પર ઈજા થઈ હતી. દાક્તરોએ રમવાની મનાઈ કરી હોવા છતાં મેલબોર્નની બીજી ટેસ્ટમાં ખેલવા માટે પટૌડી મેદાને પડ્યો. આ સમયે ઝડપી ગોલંદાજ ગ્રેહામ મેકન્ઝી એની જલદતા વેરી રહ્યો હતો. માત્ર ૨૫ રનમાં જ ભારતની ૫ વિકેટ ટપોટપ ખરી પડી. પટૌડી લંગડાતો લંગડાતો મેદાન પર આવ્યો. એણે ૭૫ રન કરીને એક ખમીરભરી
*
R
R
૨૩
અપંગનાં ઓજસ