________________
૨૨
ene p*lchhe
કુશળતાને કારણે એ થોડા સમયમાં ‘કવ૨-પોઇન્ટ’ની જગ્યા પરનો વિશ્વશ્રેષ્ઠ ફિલ્ડર બન્યો. માત્ર એક જ આંખનું તેજ ધરાવતો માનવી ફિલ્ડિંગમાં આવી કામયાબી મેળવે તે એક અશક્ય બાબત જ ગણાય. પટૌડીએ સતત તાલીમ અને સખત મહેનતથી આ અશક્ય બાબતને શક્ય બનાવી.
૧૯૬૨માં એક મોટી જવાબદારી પટૌડી પર આવી પડી. નરીમાન કોન્ટ્રાક્ટ૨ને ચાર્લી ગ્રિફિથનો દડો માથા પર વાગતાં એકવીસ વર્ષ, બે મહિના અને અઢાર દિવસની ઉંમર ધરાવતા પટૌડીને શિરે સુકાનીપદનો કાંટાળો તાજ મુકાયો. પટૌડી ક્રિકેટજગતનો સૌથી નાની વયનો ટેસ્ટસુકાની બન્યો. ભારતના સુકાની તરીકે પટૌડીએ રમત ખેલવાની આખી રીત બદલી નાખી. ધીમા અને કંટાળાજનક ક્રિકેટને બદલે ઝડપી, આકર્ષક અને પરિણામદાયી ક્રિકેટ પર ભાર મૂક્યો. સી. કે. નાયડુ પછીનો પહેલો આક્રમક સુકાની બન્યો.
પટૌડીની મથામણ ચાલુ જ હતી, પણ હિંમતવાનને સદાય ઈશ્વર સહાય કરે છે. એવી રીતે પટૌડી એક પછી એક સિદ્ધિ હાંસલ કરતો હતો. ઈ. સ. ૧૯૬૩માં ઇંગ્લેન્ડની ધરતી પર પગ મૂકતાં પટૌડીને ફરી ઑક્સફર્ડ યુનિવર્સિટીની ટીમનું સુકાનીપદ એનાયત કરવામાં આવ્યું. યુનિવર્સિટી ક્રિકેટમાં આવો બનાવ વિરલ જ ગણાય. મહાન બૅટધર રણજિતસિંહ, દુલીપસિંહ કે ઇફ્તિખારઅલી (સ્વ. પટૌડીના નવાબ) ઇંગ્લૅન્ડ તરફથી ટેસ્ટમાં રમ્યા, પરંતુ કોઈનેય પોતાના અભ્યાસકાળ દરમિયાન યુનિવર્સિટી ટીમનું સુકાનીપદ મળ્યું ન હતું. આગળ જતાં જિમ પાર્કસ જેવા ઇંગ્લૅન્ડ તરફથી ટેસ્ટ ખેલી ચૂકેલા અનુભવી ખેલાડી હોવા છતાં પટૌડીને સસેક્સ પરગણાની ટીમનું સુકાનીપદ મળ્યું.
ધીરે ધીરે પૌડીના જમણા ખભા પર થયેલી ઈજાની અસર ઓછી થઈ. બે વર્ષ સુધી પટૌડી જમણા હાથે દડો વીંઝી શકતો ન હતો. ૧૯૬૪માં સુકાની પટૌડીએ નવી દિલ્હીની ચોથી ટેસ્ટમાં અણનમ રહીને ૨૦૩ રન કર્યા અને ઇંગ્લૅન્ડની ટીમ સામે બેવડી સદી ફટકારનાર
K
Jain Education International
=
For Private & Personal Use Only
www.jainelibrary.org