Suyagadanga Sutrana Sathware Part 1 Agam Jano

SR No.: 004864
Original Sutra Author: N/A
Author: Kirtiyashsuri
Publisher: Sanmarg Prakashan
Publication Year: 2005
Total Pages: 304
Language: Gujarati
Classification: Book_Gujarati, Agam, Canon, & agam_aagamsaar
File Size: 13 MB

Page 130

૧૧૧ - ૬ વ્યવહારમાં ધન-સંપત્તિ જરૂરી, ધર્મમાં ગુણસંપત્તિ જરૂરી - 6 – 111
મગધ દેશ, શ્રેણિક મહારાજા કે જે આવતી ચોવીશીના પહેલા તીર્થંકર થવાના છે, તેઓ અવિરતિધર હોવા છતાં તેમનું સમ્યગ્દર્શન એવું તો દઢ હતું કે, ઈન્દ્રને પોતાની ઈન્દ્રસભામાં કહેવું પડ્યું કે, “મહારાજ શ્રેણિક ભલે અવિરતિધર રહ્યા, પણ એમનું સમ્યક્ત એવું તો દઢ છે કે એમને જિનમતની શ્રદ્ધાથી કોઈ દેવ પણ ચલાયમાન કરી શકે તેમ નથી. લાખ વસ્તુ બતાવો પણ ધર્મ પ્રત્યેની શ્રદ્ધાથી એમને કોઈ ચલાયમાન નહિ કરી શકે. ઈન્દ્રની આ વાત સાંભળીને દેવોએ તેમની અત્યંત કપરી, ભલભલો શ્રદ્ધાળુ ડગી જાય તેવી પરીક્ષા કરી. આમ છતાં તેઓ ડગ્યા તો નહિ, પણ એ પ્રસંગે તેમની જે નિર્મળ અને નિ ૧ શ્રદ્ધા જોવા મળી. તેથી પરીક્ષા કરવા આવેલા દેવો પણ નમી ગયા. એ પ્રસંગે વીતરાગ માટે, વીતરાગના માર્ગ માટે એમના મનમાં એક પણ નબળો વિચાર ન થયો. વીતરાગના માર્ગે આવી ગયેલી વ્યક્તિ નબળી કે ખરાબ હોઈ શકે પણ વીતરાગનો માર્ગ કે સાધનામાં ખરાબી ન હોઈ શકે. દોષ વ્યક્તિમાં હોઈ શકે, પણ માર્ગમાં ક્યાંય દોષ સંભવી ન શકે. માર્ગે ચાલનારો લપસી જાય, પડી જાય તે બને પણ માર્ગ તો આ જ સાચો. આવી અવિહડ શ્રદ્ધા તેમની હતી. દેવોએ નમીને કહ્યું કે, “રાજનું ! ઈન્દ્ર ઈસભામાં આપને જેવા વર્ણવ્યા તેના કરતાં પણ આપ સવાયા નીકળ્યા.' પ્રભુવીરે ધર્મલાભ કહેવડાવ્યો તે સુલસા કેવી? :
અંબડ પરિવ્રાજકનું નામ તમે સાંભળ્યું હશે !: મિથ્યામતને માનનાર, બહુ વિદ્વાન અને ૭૦૦ શિષ્યોના એ ગુરુ હતા. તેઓનું અદ્ભુત ભાગ્ય, પરમ ભાગ્ય કે તેઓને ત્રણ જગતના તારક જગદીશ્વર પરમારક પરમાત્મા મળ્યા. પ્રભુએ તેઓને મિથ્યામતથી ઉગાર્યા. સમ્યગ્દર્શનની ભેટ ધરી ને તે કૃતકૃત્ય કર્યા. સર્વવિરતિ સુધી પહોંચવાની તેઓની તાકાત નહોતી. તેથી તેઓએ દેશવિરતિ ધર્મનો સ્વીકાર કર્યો.
પ્રભુવીર પાસેથી છૂટા પડતાં તેઓએ પ્રભુવીરને કહ્યું કે, “ભગવંત ! અહીંથી હું રાજગૃહી જાઉં છું - મારા યોગ્ય કોઈ કાર્યસેવા ? અંબડ પરિવ્રાજકને પ્રાપ્ત થયેલું મહામૂલ્યવાન સમ્યગ્દર્શન-નિર્મળ બને, સુસ્થિર બને માટે પરમતારક પરમાત્મા જગદીશ્વરે નાગ-સારથીની ધર્મપત્ની સુલસા શ્રાવિકાને ધર્મલાભ જણાવવા કહ્યું.