________________
૧૫૮ –
– આચારાંગસૂત્રનાં વ્યાખ્યાનો - ૭
પર પ્રહાર ન કરે. શ્રેણિક મહારાજાએ તમામ સાધુ-સાધ્વી પર અપ્રીતિ ન કરી. ગર્ભવતી સાધ્વીને તરત પ્રસૂતિ કરાવવાનો પ્રબંધ એ માટે કર્યો કે લોકો એને જોઈને અધર્મ ન પામે. પોતે શ્રદ્ધામાંથી લેશ પણ ડગ્યા નથી. તીર્થકર નામકર્મ બાંધ્યું તે અરિહંતપદની આરાધનાથી. એ આરાધનામાં એમણે જરાય કમી નથી રાખી. ભગવાન મહાવીર દેવ ક્યાં વિચરે છે એના રોજ સમાચાર મેળવતા. એ માટે એમના ચરપુરુષો સઘળી દિશાઓમાં ગોઠવાયેલા હતા. સમાચાર મળે એટલે તરત સિંહાસન પરથી ઊભા થઈ, જે દિશામાં ભગવાન હોય તે દિશામાં પાંચ-સાત કદમ જઈને, પંચાંગ પ્રણિપાત કરી ચૈત્યવંદન કરી પછી સિંહાસન પર બેસતા. આ તેમનો રોજનો ક્રમ હતો. પ્રભુ પોતાના નગરમાં પધારે ત્યારે રાજસભા બંધ રાખતા અને પ્રભુની સેવામાં હાજર થતા. નિરંતર ત્રિકાળપૂજા કરતા. અરિહંતના ગુણગાન કરતા. ભગવાને કહ્યું તે જ સાચું બાકી બધું મિથ્યા, એ શ્રદ્ધામાં જરા પણ કચાશ ન હતી. ચોવીસે કલાક અરિહંતનો જાપ હૃદયમાં કરતા. ભગવાન વીરનું નામ સાંભળતાં રોમરાજી વિકસ્વર થતી. પ્રભુ પ્રત્યેનો ભક્તિભાવ કાયમ હૈયામાં ઉલ્લાસાયમાન હતો. જૈનશાસનની શૈલી અનુપમ છે ?
વિસ સ્થાનક પદની આરાધનાથી તીર્થંકર નામકર્મ બંધાય છે. કોઈ વીસ પદ આરાધે, કોઈ ઓછાં આરાધે, કોઈ એક આરાધે. એકની આરાધનામાં પણ વીસેયની આરાધના બેઠી છે. જૈનશાસનની શૈલી અનુપમ છે. સાચી રીતે દાન કરનારો શીલ, તપ અને ભાવ ત્રણે પાળે છે. શીલ પાળનારો દાન. તપ અને ભાવ પણ આરાધે છે, તપ કરનારો દાન, શીલ, ભાવ આરાધે છે અને ભાવના ભાવનારમાં દાન, શીલ, તપ ત્રણે ધર્મ વિદ્યમાન છે. મોક્ષની આરાધનાના અસંખ્ય યોગ છે, જેમાં આ વીસ તો મુખ્ય છે. એક એક યોગથી અનંતાનંત આત્માઓ મુક્તિએ ગયા છે. એક યોગને આરાધનારો અસંખ્ય યોગનો આરાધક છે. એ અંતર્મુહૂર્તનો તપ અત્યંત કઠિન :
સભા : મરુદેવા માતાએ પૂર્વે તપ નહોતો કર્યો? - પણ અંતર્મુહૂર્તમાં એવો કર્યો કે જે સંસારના બધા તપને ભુલાવી દે.
Jain Education International
For Private & Personal Use Only
www.jainelibrary.org
