Page Text
________________
૫૫
સહવાસથી આવો ભયંકર-ખૂંખાર ડાકુ તરત જ પીગળી ગયો. પોતાનાં તીરકામઠા લઈને ફેંકી દીધા. અને સાધુની પાસે પ્રતિજ્ઞા કરી કે હે ભગવાન! આજથી બધી જ પાપપ્રવૃત્તિનો હું ત્યાગ કરું છું, જાત મહેનતની કમાણીથી હું મારું ગુજરાન ચલાવીશ. નિરપરાધી જીવોની હું હિંસા નહીં કરું. ગુણાનુરાગથી તે સુધરી ગયો.સાધુએ કોઈ ઉપદેશ આપ્યો નથી ફકત એમના જીવનને જોઈને એમના ગુણથી આકર્ષાયો. કોઈથી પણ નહીં પકડાનારો, પોલીસોથી નહીં ડરનારો એક જ ગુણને લીધે પાપથી ડરીને વગર ઉપદેશે તરી ગયો. સત્ય ઘટના છે.
ગુણાનુરાગી જીવો જગતમાં બહુ ઓછા છે તેનાથી ઓછા ગુણી છે અને તેનાથીયે ઓછા ગુણી હોય અને ગુણાનુરાગી હોય. કદાચ ગુણવાન હોય પણ ઈર્ષ્યાથી બીજાના સારા કામની પ્રશંસા કરી શકતા નથી. ગુણી હોય અને ગુણાનુરાગી હોય તેવા જીવો તો હજારોમાં એકાદ જોવા મળે. શાસ્ત્રમાં શાલમહાશાલની કથા આવે છે. જેઓ ગુણી છે અને ગુણાનુરાગી છે.
શાલ-મહાશાલ
શાલ અને મહાશાલ નામના બે ભાઈઓ છે બન્ને ભાઈઓ વચ્ચે ગાઢ પ્રીતિ છે. એક રાજા છે બીજો યુવરાજ છે. ન્યાય-નીતિથી રાજ્ય ચલાવે છે. પ્રજાપ્રિય છે. પ્રજા તેમને દેવ જેવા ગણે છે. પ્રજાના સુખે સુખી અને દુઃખે દુઃખી. બન્ને ભાઈઓની સુંદર જોડી છે. એકવાર ભગવાન મહાવીર વિચરતાંવિચરતાં પધારે છે. શાલ-મહાશાલની પૃષ્ઠચંપા નગરી નજીક જ છે. તેથી ભગવાન ગૌતમ સ્વામીને આદેશ કરે છે કે પૃષ્ઠચંપામાં જાઓ. શાલમહાશાલની નગરીમાં ગુરૂ ગૌતમ પધારે છે. શાલ-મહાશાલ અને નગરીના લોકો હર્ષઘેલાં બન્યા છે. સાક્ષાત્ કલ્પવૃક્ષ આંગણે આવ્યું. ગુરૂની દેશના સાંભળવા હજારો લોકો ભેગાં થયાં છે. ગૌતમસ્વામી મહારાજા દેશના શરૂ કરે છે. સંસારની અસારતા સમજાવે છે..શાસ્ત્રમાં સંસારનું બીજું નામ ‘માર’ આવે છે જ્યાં જીવને સતત માર જ પડયા કરતો હોય છે. ફૂટબોલની રમતમાં પ્રોલની સ્થિતિ તમે જોઈ છે ને ! એક માણસ લાત મારે સામે બીજો લાત મારે. આમ લાતો જ ખાતો-ખાતો ફૂટાયા જ કરે છે. તેમ માણસ પણ ઘરમાં
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |