Guruvani 3

SR No.: 004820
Original Sutra Author: N/A
Author: Jambuvijay
Publisher: Jinendraprabhashreeji
Total Pages: 228
Language: Gujarati
Classification: Book_Gujarati & Religion
File Size: 10 MB

Page 68

४७ જવાનું કહ્યું. વળી કહ્યું કે સાધુ-સંતો મીઠું ખનારા છે. તેઓ ભિક્ષા પર જ જીવનારા હોય છે. તમારે ત્યાં ધર્મલાભ આપે. તમે વહોરાવો તો પણ તમને ધર્મલાભની આશિષ આપે અને ન વહોરાવો તોય ધર્મલાભની આશિષ આપે. નિર્દોષ જીવન જીવનારા છે તેઓ મીઠું ખાય છે અને સતત સ્વાધ્યાયધ્યાનની આરાધનામાં લીન હોય છે કોઈનું ખરાબ બોલતા નથી ને ખરાબ વિચારતા નથી, તેમજ નિષ્પાપ, નિષ્પરિગ્રહી, નિશ્ચિત, નિસ્પૃહી, નિર્દભ, નિરુપાધિક, નિર્મળ, નિરુપદ્રવી અને નીરોગી આમ નવ “નકારથી યુક્ત જીવન જીવનારા છે. શરીરને આરામ આપવા પૂરતી જ અલ્પનિંદ્રા લે છે. આવું સુંદર જીવન જીવનારા હોવાથી લોકપ્રિય હોય છે આવા સાધુપુરુષને તું ગુરૂ તરીકે સ્વીકારજે. ત્યાંથી ઉઠયો. કોઈ ઉપાશ્રયમાં જઈ ચડ્યો. ત્યાં સાધુની દિનચર્યા જોઈ ચકિત થઈ ગયો. કેવા અપ્રમત્ત, ત્યાગી, તપસ્વી, સતત બીજાના કલ્યાણની ભાવના રાખનારા. સાધુની પાસે રાત રોકાયો. રાત્રે સાધુ મહારાજ સ્વાધ્યાય કરે છે. તેને સાંભળવા માટે કોઈ સમ્યગ્રષ્ટિ દેવ ત્યાં આવે છે. સ્વાધ્યાય પૂરો થાય છે. પછી દેવ રજા માંગે છે. રજા માંગતી વખતે કહે છે કે મહાપુરુષ ! કાંઈક માંગો હું આપને આપવા ઈચ્છું છું. પણ મહાપુરુષ તો નિસ્પૃહી છે. ના પાડે છે. મારે કાંઈ જ જોઈતું નથી. બસ તમારું કલ્યાણ થાય એજ જોઈએ. આ જોઈને બ્રાહ્મણ ખુશ થાય છે. દેવ જેવા દેવા આપવા માટે તૈયાર છે છતાં પણ આ કેવા નિસ્પૃહી છે ! તેમના તેજથી અંજાયેલો એ બ્રાહ્મણ પોતાના આત્માનું કલ્યાણ સાધી લે છે. દીક્ષા લે છે. સદ્ગતિને પ્રાપ્ત કરે છે.
કહેવાનું તાત્પર્ય એ છે કે તે બ્રાહ્મણ મધ્યસ્થતા ગુણને ધરાવનારો હતો માટે સાચા તત્ત્વને પકડવા માટે તે આટલું રખડ્યો. નહીંતર જે પહેલા બાવાજીએ કહેલું કે લાડવા-મિષ્ટાન્ન ખાવા, નીરાંતે સૂઈ જવું અને જંતરમંતર કરીને લોકોને રીઝવવા. એમાં જ ફસાઈ જાત. સાચા અર્થને મેળવી શકત નહીં.
એક વ્યક્તિએ કહેલું કે નહીં ભણેલાઓ કરતાં ભણેલાઓએ આ દેશને ઘણું નુકશાન પહોંચાડ્યું છે. જ્ઞાનની સાથે મધ્યસ્થતા હોત તો આજનો યુગ સ્વર્ણયુગ બની જાત. આ ગુણના અભાવે આજે આ દેશ દુર્ગુણોની ટોચે પહોંચ્યો છે. અશાંતિ પ્રધાન બની ગયો છે. જો આ બધા નેતાઓમાં તટસ્થતા આવી જાય તો દેશનું કલ્યાણ થઈ જાય... !