Page Text
________________
ભાદરવા વદ-૧૪
ગુણાનુરાગી
ચાર દુર્લભ ચીજો
પરમકૃપાળુ પરમાત્મા આપણને સંસારની અસારતાને સમજાવવા માટે અને તેમાંથી મુક્ત થવા માટે ધર્મનો મંગલમય માર્ગ બતાવી રહ્યા છે. આ જીવાત્મા ચોરાશી લાખ યોનિમાં સરકી રહ્યો છે. જ્યાં સતત સરકતા રહેવું તેનું નામ સંસાર. એક યોનિમાંથી બીજી યોનિમાં આ જીવાત્મા સરકી રહ્યો છે. એકેન્દ્રિયથી માંડીને પંચેન્દ્રિય સુધી ફરી આવ્યો છે. કીડી-મંકોડા-માખી-મચ્છ૨ડાંસ આવી બધી અસંખ્ય યોનિમાં અનંતીવાર ફરી આવ્યો છે. આવા સૂક્ષ્મજંતુઓમાંથી માનવજન્મ મેળવવો કેટલો દુર્લભ છે. મચ્છર થયા હોઈશું ત્યારે ઝેરી દવાઓ છાંટીને આપણને મારી નાખ્યા હશે. માંકડ થયા હોઈશું ત્યારે ગરમ પાણી નાંખીને આપણને મારી નાખ્યા હશે. દરેકે દરેક જન્મમાં કેટલી કેટલી વેદનાઓ ભોગવી-ભોગવીને કર્મોનો ક્ષય કરીને આ માનવ જન્મને પામ્યા. એથી વધારે આર્ય દેશ મળ્યો. અમેરીકા વગેરે દેશોમાં જન્મ ન મળતાં આ ધાર્મિક દેશમાં જન્મ મળ્યો. જ્યાં પગ ઉપાડતાં જ કોઈ માતાનું મંદિર કે કોઈ મહાદેવનું મંદિર કે કોઈ દહેરાસર કે કોઈ સ્થાનક વગેરે ધાર્મિક સ્થાનો જોવા મળશે અને ગામડે-ગામડે પગપાળા ઘૂમીને ધર્મનો સંદેશો સંભળાવતા સંતોના દર્શન થશે.આર્યદેશ મળ્યા પછી પણ ખાટકી વગેરે નીચ કુળમાં જન્મ ન થતાં જૈનકુળમાં- ઉત્તમ કુળમાં જન્મ મળ્યો. એનાથી વધારે સદ્ગુરૂનો યોગ મળ્યો. ધર્મ સાંભળવા મળ્યો અને સાંભળ્યા પછી પણ ઘણા જીવોને એમાં રૂચિ થતી નથી. અને કદાચ રૂચિ થાય તો પણ કેટલાક જીવો સ્વીકારી શકતા નથી. . આચરણમાં મૂકી શકતા નથી. આવી દુર્લભ વસ્તુઓ આપણને સહજતાથી પ્રાપ્ત થઈ ગઈ છે તો આપણે હવે ધર્મને સાધી લેવો જોઈએ.
ધર્મને મેળવવા માટે પણ યોગ્ય બનવું પડે છે. યોગ્યપાત્રની પાસે રહેલી સંપત્તિ ટકી શકે છે. કોઈ દેવાળિયાના હાથમાં કે કોઈ ઉડાઉ વ્યક્તિના હાથમાં આવેલી સંપત્તિ ટકી શકતી નથી. તેમ ધર્મ પણ યોગ્ય વ્યક્તિના જીવનમાં જ ફળી શકે છે. શાસ્ત્રકાર મહારાજા આપણને ધર્મને યોગ્ય બનવા
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |