Guruvani 3

SR No.: 004820
Original Sutra Author: N/A
Author: Jambuvijay
Publisher: Jinendraprabhashreeji
Total Pages: 228
Language: Gujarati
Classification: Book_Gujarati & Religion
File Size: 10 MB

Page 67

૪૬ સત્યને શોધતો બ્રાહ્મણ
બ્રાહ્મણ સત્યને શોધવા આગળ ચાલ્યો. બ્રાહ્મણ ત્યાં પહોંચ્યો. તેમણે આંગણે આવેલાં અતિથિનું સન્માન કર્યું. પછી બંને બેઠા. પૂછે છે કે આપના ગુરૂએ આપને ત્રણ વાક્યો મંત્ર રૂપે આપેલા છે તેનું સાચું રહસ્ય શું છે? અથવા તો આપ એનો શું અર્થ કરો છે ? બાવાજી બોલ્યા કે ગુરૂજીએ મને પહેલો મંત્ર આપ્યો કે “મીઠું ખાવું તેનો અર્થ મેં મારી મતિ પ્રમાણે આ રીતે કર્યો છે. બરાબર કકડીને ભૂખ લાગી હોય ત્યારે ભોજન કરીએ તો લૂખો રોટલો પણ મીઠાઈ કરતાં વધુ મીઠો લાગે. તેથી હું એકાંતરે ઉપવાસ કરે છું. અને ઉપવાસના બીજા દિવસે પણ એક જ ટંક ભોજન લઉં છું તેથી બરાબર કકડીને ભૂખ લાગી હોય. વળી લોકોમાં પ્રિય થવું” એટલે ભોજનમાં પણ જે મળે તે લઈ લઉં છું. જેથી કરીને લોકોમાં પ્રિય બન્યો છું. લોકો પાસે મારી કોઈ અપેક્ષા જ નથી. લોકોને હું ભારે પડું તેમ નથી. લોકો પાસે માંગ-માંગ કર્યા જ કરીએ તો લોકોને અપ્રીતિ થાય ને ! આ તો એક જ ટંક અને જેવું મળે તેવું. વળી આખો દિવસ સ્વાધ્યાયમાં જ વીતે. તેથી રાત પડતાં મગજ થાકી જાય તેથી પથારીમાં પડતાં જ ઉંઘ આવી જાય. ખાવાથી જ શરીર બગડે છે. ખોરાક એ શરીરને પુષ્ટ પણ કરનાર છે અને ખાતાં ન આવડે તો રોગી પણ બનાવનાર છે. આજે આટલા બધા રોગો શા માટે છે? ખાવાનો સમય પણ નક્કી નહીં ને ટકે નક્કી નહીં. રોજ ચાર ટકે ય થાય ને છ ટંકે ય થાય ! બ્રાહ્મણે વિચાર્યું કે વાહ ! બાવાજીએ મંત્ર વાકયનો અર્થ બરાબર કર્યો છે. છતાં હજુ ઉંડાણથી જો આનો અર્થ મળતો હોય તો મારે જાણવો છે માટે કયાંક આગળ તપાસ કરું છું. ગુરૂની શોધમાં ભમતો બ્રાહ્મણ
ચાલતાં-ચાલતાં પાટલીપુત્ર નગરે પહોંચ્યો. હવે ત્યાં તપાસ કરતાં જાણવા મળ્યું કે કોઈ ત્રિલોચન નામના વિદ્વાન ધર્મગુરૂ છે. તેમની પાસે તે પહોંચ્યો. ત્યાંનું વિવેકભર્યું વાતાવરણ જોઈને ખુશ-ખુશ થઈ ગયો. પંડિતજીને મળ્યો અને કહ્યું કે પંડિતજી ! મારે જીવનને પવિત્ર બનાવવું છે, વ્રતોને સ્વીકારવા છે. માટે કૃપા કરીને એવા ગુરૂ બતાવો જેથી મારો જન્મ પવિત્ર બને.તેમણે પણ તે જ ત્રણ પદોને જેણે જીવનમાં સ્વીકાર્યા હોય તેમની પાસે