Page Text
________________
૪૨
ધર્મ પણ માણસ સમજવા છતાં છોડી શકતો નથી. તેને સાચું સમજાવીએ તો પણ પોતાના ધર્મનું પૂંછડું છોડે જ નહીં. ભીષ્મપિતામહ
જ
પાંડવ-કૌરવોના યુદ્ધ વખતે ભીષ્મપિતામહ કૌરવના પક્ષે હતા.. યુદ્ધના સમયે યુધિષ્ઠિર ભીમને કહે છે કે ભીમ ! જા...સામા મોરચે રહેલા ભીષ્મપિતામહના આશીર્વાદ લઈ આવ... ભીમ કહે છે કે ભાઈ ! આપ આ શું બોલો છે ? વિરુદ્ધપક્ષમાં રહેલી વ્યક્તિ પાસે આશીર્વાદ લેવા જાઉં તો શું એ મને જીતવાના આશીર્વાદ આપે ખરા ? યુધિષ્ઠિરે કહ્યુ કે તું જા, હું તને કહું છું ને ! તે મધ્યસ્થ ભાવે જ તને કહેશે. મોટાભાઈની આમન્યા હતી. તેથી વધારે દલીલો કર્યા વિના ભીમ સામેની છાવણીમાં પહોંચ્યો. દાદાના પગમાં પડયો કહ્યું દાદા ! આશીર્વાદ આપો. દાદા કહે છે - ભીમ અર્થમ્ય પુરુષો રામ: નાËવામસ્તુ સ્થનિતુ – પુરુષ પૈસાનો દાસ છે. પણ પૈસો કયારેય કોઈનો દાસ બનતો નથી. અમે આજે દુર્યોધનના દાસ બની ગયા છીએ. અમારા પેટમાં તેનું લૂણ છે તેથી તેના પક્ષે ઉભા રહ્યા સિવાય છૂટકો નથી પણ યતો ધર્મસ્તતો ગયઃ । જ્યાં ધર્મ છે ત્યાં જ જય છે, તમારો જય થાઓ, ન્યાય તમારા પક્ષે છે. જીવન આવું મધ્યસ્થ હોવું જોઈએ. કોઈનો પણ પક્ષપાત ન કરો.
વડામૂલ્લાની તાવીજ
અમુક ધર્મો જ્યારે ઉત્પન્ન થયા ત્યારે દેશ-કાળને લીધે તે-તે નિયમો વહેતા થયા. કાળ બદલાતાં તેમાં ફેરફાર કરવા જોઈએ. સત્ય સમજાતાં માણસે પોતાનો આગ્રહ છોડી દેવો જોઈએ. વડા મૂલ્લા નામના એક ધર્મગુરુ છે. મુસ્લિમ લોકો તેમની પાસે જાય છે. તેઓ તેમને સાક્ષાત્ ભગવાન માને છે. આ મુલ્લાજી લોકોને તાવીજ બનાવી આપે છે. બદલામાં પૈસા પડાવે છે... અંધશ્રદ્ધાળુ લોકો આ તાવીજ મળે એટલે સ્વર્ગ મળી ગયું તેમ માને છે. તાવીજમાં મૂલ્લાજી લખી આપે કે આ ફલાણાભાઈને સ્વર્ગમાં હે અલ્લા તમે સારો બંગલો આપજો. એક સારી ફિયાટ્ આપજો.. અમૂક-અમૂક સગવડો આપજો.. વગેરે... વગેરે.. તાવીજ મળ્યું એટલે સ્વર્ગ મળ્યું...
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |