Page Text
________________
જરૂર છે. અમારે કોઈ જરૂરિયાત નથી માટે કેવા નિશ્ચિત છીએ. નિજાનંદમાં ડૂબેલા છીએ. જ્યારે તમારે તો રોજ સવાર પડે ને કોઈ ને કોઈ વસ્તુની જરૂર ઉભી થાય એટલે પાછી મગજની દોડધામ શરૂ. માટે જ શાસ્ત્રકારો કહે છે કે તમે તમારી જરૂરિયાત ઘટાડો જીવનમાં શાંતિ આપમેળે આવશે. આપણી પાસે શક્તિનો અખૂટ ખજાનો છે. આત્મામાં જ આનંદ-સુખ ભરેલાં છે પણ આપણે અંદર નજર નાખતા જ નથી. બહાર પદાર્થોની પાસે સુખ અને આનંદની ભીખ માંગ્યા જ કરીએ છીએ. જીંદગી આખી ભીખ માંગવા છતાં નથી તો સુખ મળતું કે નથી તો આનંદ મળતો. અંદર તો જો...!
એક ભિખારી છે. કોઈ જગ્યાએ પાથરણું પાથરીને ભીખ માંગ્યા કરે છે. ભીખ માંગતાં માંગતાં એની આખી જીંદગી પૂરી થઈ ગઈ. ન સારું ખાવાનું મળ્યું કે ન સારું પહેરવાનું મળ્યું. નાનાથી માંડીને મોટો થયો ત્યાં સુધી તેણે એ જગ્યા છોડી નહીં. છેવટે મરી ગયો. બીજા ભીખારીઓને થયું કે આ જગ્યા અપશુકનીયાળ લાગે છે. આ ભિખારીએ રોજ ત્યાં બેસીને ભીખ માંગ્યા કરી પણ એ કયારેય સુખી થયો નહીં તેથી આપણે એ જગ્યાને ખોદી નાખીએ - બધા થયા ભેગા ને માંડયા ખોદવા. થોડુંક ખોવું ત્યાં તો ઝળહળતી સોનામહોરોથી ભરેલો એક ચરુ નીકળી પડ્યો. આ ચરુ ઉપર જ બેસીને તેણે આખી જીંદગી વિતાવી છતાં તેના હાથમાં ન આવ્યો. કારણ કે તેણે ક્યારેય નીચે જોયું જ નથી. તેમ આપણે ક્યારેય અંદર નજર નાખતાં જ નથી. અને છેવટે આ ભિખારીની જેમ જીંદગી હારી જઈને અહીંથી ચાલ્યા જઈએ છીએ. લગ્ન એટલે પ્રભુતામાં પગલાં કે પશુતામાં
માણસ લગ્ન કરે છે ત્યારે કહેવાય છે ને કે પ્રભુતામાં પગલાં માંડે છે પ્રભુતામાં કે પશુતામાં. જેમ બળદની નાકમાં નાથ (દોરડું) પરોવીને તેને દોરવામાં આવે છે તેમ સ્ત્રી પુરુષને ફેરવે છે. પુરુષ પરતંત્ર બની જાય છે. ભલભલા ભૂપાલો પણ સ્ત્રીની પરવશતાએ જીવન હારી ગયા. સયાજીરાવ ગાયકવાડ
વડોદરાના મહારાજ નિઃસંતાન ગુજરી ગયા. ગાદી પર કોણ આવે તે મોટો પ્રશ્ન હતો. નિયમ એવો હતો કે ગોત્રનો માણસ જ વારસદાર બને.
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |