________________
સ્વસ્થ રહી ગયા. તેના જ વંશજોને છેવટે પછી નોકરી કરવા વખત આવ્યો. મહાપુરૂષો કહે છે કે આ આંખ સામે જ બધું ધન માટીમાં મળી જશે. આ બધી હોનારત સર્જાય એ પહેલાં તું ચેતી જા. તારા આત્માના ધનને તું બચાવી લે આ હોનારતને કોઈ અટકાવી શકવાનું નથી. આ જન્મ તમારો જાગવાનો છે માટે જાગો... અને ભાગો.. મૃત્યુ ક્ષણે-ક્ષણે આપણી નજીક સરકી રહ્યું છે. માટે ધર્મનો સંચય કરવો જોઈએ. પણ આજે ધર્મને બદલે ધનનો સંચય કરવામાં જગત ડૂબી રહ્યું છે. જાણે અજર અમર બનીને અહીં રહેવાનું ન હોય ! તેમ મોટો-મોટો પસારો કરતો જ જાય છે બે રોટલીના પેટના ખાડાને પૂરવા માટે એ ગમે તેવા પાપો કરતાં પણ અચકાતો નથી, બસ રાત-દિવસ ધનનો સંચય કરવામાં ગળાડૂબ ડૂબેલો છે. કોઈ પશુ વસ્તુનો સંગ્રહ કરે ખરો! જ્યારે માણસ તો સાત પેઢી સુધી ખૂટે નહીં તેટલું ભેગું કરે છે...
રે જીવ.... ! બાળપણમાં તું માતૃમુખી રહ્યો... યુવાનીમાં તરૂણીમુખી બન્યો... ઘડપણમાં પુત્રમુખી બન્યો... તો તું અંતર્મુખ ક્યારે બનીશ... ?
Jain Education International
For Private & Personal Use Only
www.jainelibrary.org
