Page Text
________________
આસો વદ-૧
વૃિદ્ધાનુગ ગુણસ્વરૂપ ધર્મ
શાસ્ત્રકાર મહારાજા આપણને સુખી થવાનો માર્ગ બતાવી રહ્યા છે. સર્વત્ર ધર્મ જ સુખી થવાનો માર્ગ છે. બાહ્ય દૃષ્ટિથી જોતાં એમ થાય છે કે ધર્મ ખૂબ જ વધી ગયો છે. પણ ધર્મનું અંતરંગ સ્વરૂપ નષ્ટ થઈ ગયું છે. તેથી જ ધર્મ વધવા છતાં જગતમાં અશાંતિ ઘટવાને બદલે વધી રહી છે.
જ્યાં સુધી ગુણ સ્વરૂપે ધર્મને નહીં સ્વીકારીએ ત્યાં સુધી ધર્મનું ખોખું એ ખોખું જ રહેશે, તેમાં પ્રાણ નહીં પૂરાય. કોઈ પણ ધર્મ ગુણ સાથે થાય તો એનું ફળ અમૂલ્ય બની જાય.. ચાહે દાન હોય, શીલ હોય કે તપ હોય. શાલિભદ્રનું દાન કેટલું અલ્પ હતું પણ તેમાં ભાવો કેવા ભરેલા હતા. આ તો દાન આપતો હોય તો પણ દેખાવ માટે, પોતાના અહમને પૂરવા માટે, અથવા તો બીજાને પાછો પાડવા માટે. આ ધર્મનું ફળ શું મળે? એક બાજુ દારૂ પીતો હોય અને બીજી બાજુ ભગવાન બેસાડતો હોય. એ ભગવાનમાં પણ ઓજસ આવે કેવી રીતે ? આપણને એ પ્રતિમાજી તરફ ભાવોલ્લાસ પ્રગટે શી રીતે ? ધર્મ ભલે થોડો કરો પણ ગુણ સાથે કરો. સ્વ સ્થ ધર્મસ્ય ત્રીય મયાત્ | ધર્મનું કોઈપણ આચરણ નાનું હોય તો પણ મોટા ભયમાંથી ઉગારી લે છે.
સત્તરમો ગુણ - વૃદ્ધાનુગ. ધર્મનો અર્થી માણસ વૃદ્ધને અનુસરનારો હોય.
માણસે હમેંશા મોટાની સોબત કરવી યોગ્ય છે. સામાન્ય રીતે માણસ જુવાન હોય તો જુવાનને જ ચાહે. પરંતુ તેનાથી જુવાનિયાઓની બુદ્ધિ ઉછાંછળી બને છે. જુવાનોના વિચારોમાં હમેશા આવેગનું તત્ત્વ વધારે હોય છે. વૃદ્ધની સોબત ન હોય તો તેઓ અંકુશમાં રહે જ નહીં. વૃદ્ધ માણસે જીવનમાં ઘણા તડકા-છાંયડા જોયા હોય તેથી અનુભવી બનેલા હોય છે. તેમની બુદ્ધિ ઠરેલી હોય છે. પાકા થયેલા ઘડામાં તમે ગમે તેટલું ઉકળતું પાણી નાંખો તો કાંઈ વાંધો આવે ખરો ? અને જો કાચા ઘડામાં પાણી
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |