Page Text
________________
૧૪૩
ખરા? ના, તમારે વાઘ જેવું ક્રૂર જીવન બનાવવાનું છે ? આજુ-બાજુ કોઈ ફરકી જ ન શકે. તમે બીજાને સુખી કરવા ઈચ્છો અથવા બીજા સુખી થાય તેમ ઈચ્છો તો જગતના પુણ્યના પરમાણુ તમારી તરફ ખેંચાઈને આવશે. તમે જેવા વિચારો કરશો તેવા પરમાણુઓ ખેંચાઈને આવશે. શુભ વિચારોથી શુભ ખેંચાઈને આવશે અને તમારું કલ્યાણ કરશે, સાથે તમારા સમાગમમાં આવનારનું પણ કલ્યાણ થશે. તમારા રોમે રોમમાં બીજાના શુભની ભાવના ભરી દો. સર્વ મંગલનો શ્લોક રોજ બોલો છો પણ જીવનમાં વર્તન એવું ખરું કે હું જ્યાં પણ પગ મૂકું ત્યાં રહેલા બધાનું કલ્યાણ થાય. સેવા-પૂજા કે સામાયિક-પ્રતિક્રમણ ન કરી શકો, દુકાનમાં અથવા ધંધામાં વ્યસ્ત હો તો પણ બેઠા-બેઠા આવી શુભ ભાવના તો બાંધી શકો ને ! તીર્થંકર નામ કર્મ બાંધનારા તો ઘણા હોય છે પણ નિકાચિત તો કોઈ એકાદ વિરલ આત્મા જ કરતો હોય છે. બાકી તો બધા તીર્થંકર નામ કર્મનો પ્રદેશ ઉદય ભોગવતા હોય છે. અને મોટી ઋદ્ધિ કે માન-પાન પામે છે. એક વ્યક્તિના પુન્યમાંથી આજે હજારો વર્ષ પછી પણ સંઘ ઉભો છે. તેના નામે કરોડો રૂપિયા ખર્ચાય છે. તેની છાયા ભારતભરમાં તો ખરી જ પણ વિદેશમાં યે ફેલાયેલી છે. કેવું જબરજસ્ત પુણ્ય. એ પુણ્ય શેમાંથી આવ્યું ? ત્રીજા ભવમાં માસક્ષમણમાં સતત એક જ વિચાર ધારા. જગતના જીવો સુખી કેમ થાય ! આપણી વિચારધારામાં આપણે કેમ સુખી થઈએ તે જ લક્ષ હોય છે. માટે તો નવપદનો જાપ કરવા છતાં ફળદાયી બનતો નથી. શુભવિચાર ધારાથી જાપ જલ્દી ફળદાયી બને છે.
સર્વજીવોનું ધ્યાન કરે તે અરિહંતનો ઉપાસક બને છે. - સાધનાઓનું ધ્યાન કરે તે સિદ્ધનો ઉપાસક બને છે.
- સદાચારનું પાલન કરે તે આચાર્યનો ઉપાસક બને છે. - સમ્યગ જ્ઞાનનું સેવન કરે તે ઉપાધ્યાયનો ઉપાસક બને છે. - સહાધ્યાયીની સેવા કરે તે સાધુનો ઉપાસક બને છે.
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |