Page Text
________________
૧૪૨
લાગતી જ નથી. લાડવા ટોનિક ગણાય. પણ જો તે વધારે પડતા ખાવામાં આવે તો શું થાય? જીવ આપે કે જીવ લે? શાસ્ત્રકારો કહે છે કે તમે તમારા વૈભવ પર પોઈઝનનું લેબલ લગાડી દો જેથી તમે વાપરો પણ તેનાથી દૂર રહો. જેમ ડોકટરને ત્યાં જે દવાની બાટલી પર પોઈઝન લખેલું હોય તે દવા કોઈને પીવા માટે આપે ખરા ! અરે કોઈને લગાડે ને તો પણ તરત જ સાબુથી હાથ ધોઈ નાંખે. તમારી સંપત્તિ પણ પોઈઝન જેવી છે. નવકારમંત્ર તમને આ પોઈઝનથી બચાવે છે.
નવકારમંત્ર આ જન્મને તો સુધારે છે જ પણ આંખ મીંચાયા પછી પણ આ મંત્ર તમને સદ્ગતિ આપશે. એટલું જ નહીં પણ સ્વર્ગમાં ગયા પછી ત્યાંથી ઉત્તમકુલમાં જન્મ મળે. આમ ત્રણ ભવોની ગેરંટી આ મંત્ર આપે છે. તમારો આ લોક સુધારે પરલોક સુધારે અને પછીનો ભવપણ સુધારે... જો નિષ્ઠાપૂર્વક એકાગ્રતાથી ગણવામાં આવે તો. આવી શક્તિ આ મહામંત્રમાં રહેલી છે.
પહેલાં જીવનમાં પ્રતીતિ થવી જોઈએ કે આ મંત્ર જ મને બચાવશે. અંત સમયે કરોડોની સંપત્તિ કે સ્વજન પરિવાર કોઈ બચાવવા નહીં આવે, ગમે તેવા સંકટોમાં આ જ મારો રક્ષણહાર છે. એવો નિશ્ચય જ્યારે મનમાં જાગશે ત્યારે તેના ચમત્કારો જીવનમાં જોવા મળશે. આજે પણ આ મહામંત્રના આરાધકોના જીવનમાં ચમત્કારો જોવા અને સાંભળવા મળે છે.
નવપદના ધ્યાનની સાથે શુભવિચાર સરણી પણ જરૂરી છે. જેના જીવનમાં સતત એક જ ભાવના રમી રહી હોય કે જગતના જીવોનું કલ્યાણ કેમ થાય ? એક જ ચિંતા હોય કે જગતના જીવો સુખી કેમ થાય ? તે જ વ્યક્તિ પૂજનીય બને છે. તેના સમાગમમાં આવનાર વ્યક્તિને પણ સુખનો અનુભવ થાય.. જેમ અત્તરના સમાગમાં આવનારને સુગંધ મળે કે નહીં ? ચંદનના સમાગમમાં આવનારને ઠંડક મળે કે નહીં ? મળે જ. આમ આપણા સમાગમમાં જે કોઈ આવે તેને ઠંડક મળવી જોઈએ. આજે તો તમે પોતે જ અંદરથી સળગતા હોય ત્યાં બીજાને ઠંડક શું આપો? હાથીની આજુબાજુ નાના-નાના છોકરાઓ ફરતા હોય છે પણ વાઘની આજુ-બાજુ ફરી શકે
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |