Page Text
________________
૧૩૭
પણ ક્યાં શક્ય છે? જામેલો ધંધો-ઘર બાર વગેરે છોડીને જવું કાંઈ સહેલું છે. ચોમાસું નજીક આવવા માંડયું. આકાશમાંથી આગ વરસી રહી છે. રાજાને થયું કે નિમિત્તયાની વાત સાચી પડશે એમ લાગે છે. બધા ચિંતામાં છે કોઈને કાંઈ સૂઝતું નથી. અષાઢ મહિનો ઉતરવા આવ્યો. ત્યાં એક દિવસ આકાશમાં એક વાદળું દેખાયું. જોત-જોતામાં વાદળું મોટું થઈ ગયું. અને થોડીવારમાં તો અનરાધાર વર્ષા શરૂ થઈ. પૃથ્વી જળબંબાકાર બની ગઈ. એટલી બધી વૃષ્ટિ થઈ કે એક જ વૃષ્ટિમાં લોકો ધરાઈ ગયા. લોકો વિચારમાં પડયા. નિમિત્તિયાનું વચન કયારેય ખોટું પડે જ નહીં, નિમિત્તિયાને બોલાવ્યો. તેને પૂછયું કે તારું જ્ઞાન ખોટું પડતું નથી આ વખતે આમ કેમ ? તે પણ કહે છે કે રાજન્ ! મારા જ્ઞાન પ્રમાણે ગ્રહોની દશા જોઈને કહું છું કે આ વૃષ્ટિ શકય જ નથી. હું પણ સમજી શકતો નથી. આ કોઈ ચમત્કાર લાગે છે. પ્રશ્નનું નિરાકરણ
હવે થોડા વખતમાં તે નગરમાં યુગન્ધર નામના જ્ઞાની ગુરુ મહારાજ પધાર્યા છે. રાજા અને પ્રજા બધા આચાર્ય ભગવાનની દેશના સાંભળવા ગયા છે. દેશનાને અન્ને રાજા પૂછે છે કે ભગવન્! એક પ્રશ્ન ઘણા વખતથી મનમાં ધોળાઈ રહ્યો છે. આપ એનું નિરાકરણ કરો.. અમારા નિમિત્તિયાનું નિમિત્તજ્ઞાન કયારેય ખોટું પડયું નથી. પણ આ વખતે કેમ ખોટું પડયું ? ગુરુ મહારાજ કહે છે નિમિત્તિયાનું જ્ઞાન સાચું છે પણ તારા નગરમાં એક મહાપુણ્યવાન વ્યક્તિનો જન્મ થયો છે. પુણ્ય પોતે જ જાણે દેહ ધારણ કરીને ન આવ્યું હોય ! તેના પ્રભાવથી તારા આખા દેશમાંથી દુષ્કાળ નીકળી ગયો છે. રાજા આશ્ચર્ય પામ્યો. તેણે ગુરુમહારાજને પૂછયું કે ભગવન્! એવું તે કેટલું પુણ્ય તેણે બાંધ્યું હશે કે જેનાથી આવડી મોટી આફત ટળી ગઈ ? એ પુણ્ય તેણે બાંધ્યું કેવી રીતે ? ગુરુ મહારાજ કહે છે કે સાંભળ.... પુણ્ય બાંધ્યું શેમાંથી ?
એક નગરમાં એક છોકરો હતો. તેના મા-બાપ મરી ગયા હતા. માબાપ વિનાનો અથડાતો ફૂટાતો ભીખ માંગીને પોતાનું પેટ ભરતો હતો. ભીખમાં જે-તે ખાવાથી તેના શરીરમાં કોઢ વ્યાપી ગયો. કોઢ એ ચેપી રોગ
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |