Guruvani 3

SR No.: 004820
Original Sutra Author: N/A
Author: Jambuvijay
Publisher: Jinendraprabhashreeji
Total Pages: 228
Language: Gujarati
Classification: Book_Gujarati & Religion
File Size: 10 MB

Page 147

૧૨૬
આવી. પ્રધાને કહ્યું કે જો તમે છલોછલ ભરેલી તેલની વાટકી લઈને તમારા ઘેરથી રાજ દરબારે આવો. તમારી સાથે લોકોનું મોટું ટોળું હશે. ઢોલ-નગારા વાગતા હશે પણ તેલની વાટકીમાંથી એક બિંદુ તેલ પણ જો નીચે પડશે તો તે જ વખતે તમારો શિરચ્છેદ થશે અને જો ટીંપુય તેલ નીચે પડયા વિના તમે રાજદરબારે આવી પહોંચશો તો તમારી સજા માફ. શ્રષ્ટિએ વાતને સ્વીકારી લીધી. તેલની વાટકી લઈને ઘેરથી નીકળ્યા. કીડીની ચાલે ચાલતાં રાજ દરબારે આવી પહોંચ્યા. પેલો પ્રધાન પૂછે છે કે શેઠજી ! રસ્તામાં તમે શું જોયું ? શ્રેષ્ઠી કહે કે મેં તો તેલની વાટકી સિવાય કંઈ જોયું નથી. પ્રધાન કહે કે તમે તો એક જ મૃત્યુના ડરથી આટલા બધા ડરી ગયા. તો પછી સાધુઓ તો જન્મ-મરણની જંજાળથી ડરી ગયા છે. એક નહીં અનેક મૃત્યુનો ભય તેમને લાગ્યો છે તેથી તેઓ આ સંસારના વિષયોથી અલિપ્ત બનીને સાધના કરે છે. જેણે મૃત્યુનો ભય લાગ્યો છે તે જ આ સંસારના સ્વાદથી અલિપ્ત બને છે. તમે ગુન્હેગાર નહોતા પણ તમે સામે દલીલ કરી હતી ને કે સાધુઓ નિર્લેપ રહી શકે જ નહીં. માટે આ બધું કાવત્રું કરવામાં આવ્યું હતું. બધાએ જિનશાસનની અનુમોદના કરી.. આ પ્રમાણે જિનશાસનની પ્રભાવના કરવી જોઈએ.
=
૫. તીર્થસેવા :- તીર્થ બે પ્રકારે છે જંગમ તીર્થ અને સ્થાવર તીર્થ. જંગમ તીર્થ એટલે મહામુનિરાજોની સેવા કરવી. ભક્તિ કરવી અને સ્થાવરતીર્થ એટલે તીર્થંકરોની કલ્યાણક ભૂમિઓને સ્પર્શવી. વળી દહેરાસર આદિનો વહીવટ વગેરે કરવો. તેનાથી પણ સંઘ વિશાળ બને. લોકો ધર્મમાં જોડાય.. આ બધી તીર્થ સેવા છે. આ પાંચ સમ્યક્ત્વની શોભામાં વધારો કરનારા તથા સમ્યક્ત્વને ઉજ્જળ બનાવનારાં છે માટે તેને આભૂષણો કહ્યા છે. જેમ આભૂષણો છે તેમ સમ્યક્ત્વને દૂષિત કરનારાં પાંચ દૂષણો પણ છે તેનાથી માણસે દૂર રહેવું જોઈએ. સમકિતનાં પાંચ દૂષણો
૧. શંકા - જિનમતમાં શંકા કરે. ભગવાને કહ્યું તે સાચું હશે કે નહીં? ૨. કાંક્ષા - બીજા ધર્મો માટેની ઈચ્છા કરવી. કોઈ જગ્યાએ મંત્રતંત્રાદિનો ચમત્કાર જોઈ તે-તે ધર્મમાં જોડાઈ જવાની ઈચ્છા કરવી. આજે