Page Text
________________
આસો સુદ-૧૨
|દર્શન-જ્ઞાન-ચારિત્ર
સમકિતનું ચોથું આભૂષણ
સિદ્ધચક્ર એક અણમોલ ચીજ છે. તેની ઉપાસના કરવાથી ને તે તે પદોનું ધ્યાન ધરવાથી તે પદ પ્રાપ્ત થાય છે. જીવનમાં બધા પદોને મેળવવા માટે માણસ પ્રયત્નશીલ બને છે પણ આ પદોને મેળવવા માટે તેનો પ્રયત્ન બહુ અલ્પ છે. એક વખત જો સાચું સમ્યગ્ દર્શન આવી જાય તો આ જીવન-મરણનો અંત આવે. સમ્યક્ત્વ પણ જો આભૂષણોથી યુક્ત હોય તો જ શોભે. સમ્યક્ત્વનું ચોથું આભૂષણ છે જિનશાસનમાં કુશળતા ઃ- વેપારમાં જે માણસ કુશળ અને ચપળ હોય તે આગળ આવે છે તેમ જિનશાસનમાં કુશળતા હોવી જોઈએ. વેપારી પોતાના માલને ખપાવવા કેવી કુશળતાથી પોતાના માલની રજુઆત કરતો હોય છે. તેમ ધર્મની પણ એવી સરસ રજૂઆત કરે કે સામેની વ્યક્તિને એમ જ લાગે કે અહો ! આવો સુંદર, આવો અદ્ભુત જૈન ધર્મ છે ? નાસ્તિકને પાઠ ભણાવતો પ્રધાન
એક રાજા હતો. તેના દરબારમાં નાસ્તિકો અને આસ્તિકો બધાએ આવતા. તેમાં કોઈકે કહ્યું કે જૈનોના સાધુ એટલે કહેવું પડે ! સંસારના વિષયોથી અલિપ્ત રહીને મનના યોગ દ્વારા મુક્તિને સાધે છે. ત્યાં સભામાંથી કોઈ નાસ્તિક શેઠીયો બોલી ઉઠયો કે એ બની શકે જ નહીં. સાધુઓ શું આવા વિષયોથી અલિપ્ત રહી શકે ખરા ? રાજા પણ વિચારમાં પડી ગયો. પ્રધાન આસ્તિકવાદી અને ચતુર હતો. આ બન્નેને વાત ગળે ઉતારવા તેણે એક નાટક ગોઠવ્યું. રાજાના માણસોને ફોડી નાખીને રાજાનો કિંમતી હાર ચોરીને તેણે તે શ્રેષ્ઠિના ઘ૨માં છૂપાવી દીધો. હવે રાજાને ખબર પડી કે હાર ખોવાયો છે. જાહેરાત કરી કે કોઈ હાર ચોરીને લઈ ગયા હોય તો પાછો આપી જાવ નહીંતર જેના ઘરમાંથી નીકળશે તેને દેહાંતદંડની સજા થશે. સૈનિકોએ ચારે બાજુ તપાસ કરી. પ્રધાને શ્રેષ્ઠિના ઘેર પણ તપાસ કરવા મોકલ્યા. પોતે જ ત્યાં છૂપાવ્યો હતો. અને પોતાના જ માણસોને તપાસ કરવા મોકલેલા એટલે હાર તરત જ પકડાઈ ગયો. શ્રેષ્ઠિને દેહાંતદંડની સજા ફટકારવામાં
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |