________________
૧૨૪ જેવી હોય એટલે કે હૃદયમાં જરાયે પ્રવેશ કરતી ન હોય. તે આપણા દુર્ગુણો દૂર શી રીતે કરે ? આજે પૂજનો જૂઓ, ભાવનાઓ જુઓ.. ઘણીવાર ભાડૂતી જ ભક્તિ હોય છે ! આવી ભક્તિથી શું ફાયદો?
૨. ઢીંગલી જેવી - કપડાની ઢીંગલીને પાણીમાં નાખો તો તે પાણીમાં સંપૂર્ણ ભીંજાઈ જાય. ભક્તિ પણ એવા પ્રકારની હોવી જોઈએ કે માણસ આદ્ર બની જાય. સ્વભાવમાં પરિવર્તન આવી જાય. દોષોનું ભાન થાય. ભક્તિરસમાં તરબોળ બની જાય.
૩. સાકરની પૂતળી જેવી – સાકરની પૂતળીને પાણીમાં નાખો તો સંપૂર્ણ ઓગળી જશે. તેમ ભક્ત પ્રભુની ભક્તિમાં સમાઈ જાય છે. આનંદઘનજી મહારાજે સ્તવનની ચોવીશી બનાવેલી તેમાં બાવીશમાં ભગવાન શ્રી નેમિનાથનું સ્તવન બનાવતાં ભગવાનમાં એવા લીન થઈ ગયા કે જેમ રાજુલ નેમનાથમાં સમાઈ ગયા તેમ આનંદઘનજી મહારાજ ભગવાનમાં સમાઈ ગયાં. પછી બે સ્તવનો બીજા કોઈએ બનાવીને જોડી દીધા છે. મીરાં, નરસિંહ મહેતા, સંત કબીર વગેરેની ભક્તિ સાકરની પૂતળી જેવી હતી.
“જબ લગ મેં તબ પ્રભુ નહીં, જબ પ્રભુ તબ નહીં મેં, પ્રેમ ગલી અતિ સાંકડી, વામેં દો ન સમેં.”
બીજા નંબરની પૂજા હશે તો કયારેક ત્રીજા નંબરની પૂજા જીવનમાં આવશે. ભગવાન પરનું બહુમાન પ્રગટ થશે પછી જ સાચી ભક્તિ આવશે. સમકિતના બે આભૂષણો બાકી રહ્યાં તે આગળ જોઈશું.
ગુરુવચનમાં જેને શ્રદ્ધા નથી એને સ્વપ્ન પણ સુખની સિદ્ધિ સાંપડતી નથી. ગુરુ શ્રદ્ધાએ મહાન વસ્તુ છે ત્રણ તત્ત્વમાં ગુરુતત્ત્વનું મહાભ્ય વધારે છે.
Jain Education International
For Private & Personal Use Only
www.jainelibrary.org
