Page Text
________________
૧૨૩
પણ ભગવાનના માર્ગમાં સ્થિર કરનાર એક કુંભાર હતો. એક વખત કોઈ કુંભારને ત્યાં પ્રિયદર્શનાનો મુકામ છે. કુંભાર ભગવાનનો ખાસ ભક્ત હતો. તેણે થયું કે ભગવાનની દીકરી ભગવાનનો પંથ છોડી દે એ કેમ ચાલે? એટલે પ્રિયદર્શનાને સાચે માર્ગે લાવવા માટે પ્રિયદર્શના બેઠા હતા ત્યાં નિભાડામાંથી એક અંગારો લઈને તેમના સાડા પર ફેંકયો. સાડા પર અંગારો પડતા સાડી સળગવા લાગ્યો. પ્રિયદર્શનાએ તેને બુઝાવીને કુંભારને કહ્યું કુંભાર ! જરા સાવધાનીથી કામ કર. જો મારો સાડો બળી ગયો. કુંભારે તરત જ કહ્યું કે તમારા પતિના મતે તો સાડો સંપૂર્ણ બળી જાય તો જ બળ્યો કહેવાય. ભગવાનના મતે બરાબર છે. થોડો બળ્યો હોય તોય બળ્યો કહેવાય. પણ તમે તમારા પતિના મતે બોલો તો ન ચાલે. આ સાંભળીને આંખ ખૂલી ગઈ અને ભગવાનના માર્ગમાં આવી ગઈ. ધર્મમાં સ્થિર રહેવું તે સમકિતનું પહેલું આભૂષણ છે.
૨. પ્રભાવના :- માણસના જીવનનો પ્રભાવ પડવો જોઈએ. અહો ! આ માણસ કેવો ધર્મિષ્ઠ છે? ધર્મથી તેનું આખું જીવન પલટાઈ ગયું! અહો! ધર્મનો કેવો અચિજ્ય પ્રભાવ છે. દાન, શીલ અને તપથી ધર્મની પ્રભાવના કરવી જોઈએ. આજે શાસનની પ્રભાવના ખાવા-પીવામાં અને બેન્ડવાજામાં સીમિત થઈ ગઈ છે. આ ઓચ્છવમાં કેવાં બેન્ડવાજા હતા ને કેવું ખાવાનું હતું ? તે જ બધા જુએ છે પણ ધર્મની પ્રભાવના કેવી થઈ તે તો કોઈ જોતું નથી. ભક્તિ ત્રણ પ્રકારની
૩. પ્રભુભક્તિ :- જિનેશ્વર તરફની ભક્તિ. રાગ-અનુરાગ હોય. ભક્તિ જ્યારે જીવનમાં પ્રગટ થાય છે. ત્યારે આપોઆપ જીવનમાં રંગ આવે છે. વ્યસનના નશાની જેમ ભક્તિના રસનો પણ એક નસો હોય છે. ભક્તિના ત્રણ પ્રકાર છે. ૧. પથ્થરની પૂતળી જેવી. ૨. ગાભાની (કપડાની) ઢીંગલી જેવી. ૩. સાકરની પૂતળી જેવી.
૧. પથ્થરની પૂતળી જેવી – પથ્થરની પૂતળીને પાણીમાં ડૂબાડી રાખો તો એમાં પાણીનો જરાયે પ્રવેશ થાય ખરો ? જે ભક્તિ પથ્થરની પૂતળી
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |